Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Në Fokus

Partia e Abazoviç merr hapin e parë kundër filoserbëve: Nuk abrogojmë ligjin që ndalon Kishën Serbe

Partia e Abazoviç merr hapin e parë kundër filoserbëve:

Pak ditë përpara se të miratohet qeveria e re në Mal të Zi, nga mazhoranca ku shumicën e kanë forcat filoserbe, partia URA e Dritan Abazoviçit, ka marrë një tjetër vendim që ndal revanshizmin nacionalist serb.

Jo me gojën e Dritan Abazoviçit, por të nënkryetarit të partisë URA, Filip Adziç, kjo forcë politike, pjesë e mazhorancës së re ka bërë të ditur se nuk do të votojë pro abrogimit të ligjit të shumëdiskutueshëm për institucionet fetare, që i heq Kishës Ortodokse Serbe, të drejtën e përfaqësimit si një organizëm nacional në vend.

Siç bën të ditur portali rus Sputnik, nënkryetari i Lëvizjes Qytetare URA, Filip Adziç, njoftoi se partia që ai përfaqëson nuk do të votojë për tërheqjen e Ligjit për Lirinë e Fesë.

“Ne nuk do të votojmë për tërheqjen e Ligjit për Lirinë e Fesë. Ne thamë që Ligji për Lirinë e Fesë është i nevojshëm me Malin e Zi, por ne kemi nevojë për një ligj modern dhe një ligj që nuk është diskriminues”, tha Adziç mbrëmë në emisionin Klubi A në TV A1.

Sipas tij, për sa i përket lëvizjes civile URA, nenet e diskutueshme mund të hiqen ose rishikohen.

“Por ligji është i nevojshëm dhe asnjë organizatë fetare, as një individ, person fizik ose juridik nuk mund të jetë mbi ligjin ose Kushtetutës, madje as Kisha Ortodokse Serbe ose Metropolia e Malit të Zi. Ne jemi absolutisht kundër diskriminimit ndaj çdo komuniteti fetar”, tha Adziç.

Abrogimi i Ligjit për Lirinë e Fesë është njoftuar disa herë nga mbajtësi i listës Për Ardhmërinë e Malit të Zi dhe kandidati për kryeministër i caktuar Zdravko Krivokapiç.

Këtë e bëri të ditur edhe kreu i Kishës Serbe, Amfilohije, dy ditë më parë në një “meshë politike”, ku shpalli “rikthimin në Kosovë”.

Partia URA, ka detyruar dy koalicionet e tjera të mazhorancës së re që të firmosin një deklaratë paraprake, ku shprehin qëndrimet e tyre për mos largimin e Malit të Zi nga NATO, mostërheqjen e njohjes së shtetit të Kosovës, si dhe njohjen e simboleve shtetërore të Malit të Zi.

©Copyright Gazeta Shqip

Ky artikull është ekskluziv i Gazetës Shqip, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar Gazeta Shqip dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore