Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Në Fokus

Pakti i plotë/ PD ndryshon emrin e koalicionit dhe rikthen atë të 2005-ës, lista e 14 partive që dalin me një sigël

Pakti i plotë/ PD ndryshon emrin e koalicionit dhe rikthen atë të

“Aleanca për Ndryshim” është emri i koalicionit të opozitës që drejtohet nga Partia Demokratike. Ai ka në përbërje 14 parti politike.

Fillimisht u mendua se emri i koalicionit do të ishte “Koha për Ndryshim”, por ajo ka ndryshuar siç duket gjatë negociatave me aleatë. Në draftin e siguruar nga Gazeta “Shqip” që akoma nuk është final, janë 14 parti politike, ku mes tyre është emri i Frymës së Re Demokratike, e Bamir Topit, por që ende nu ka një gjë konkrete nëse kanë firmosur ose jo.

“Aleanca për Ndryshim” i ngjan koalicionit të dikurshëm të Berishës “Koha për Ndryshim”. Në zgjedhjet e vitit 2005 Partia Demokratike e drejtuar nga Sali Berisha përdori sloganin  “Koha për ndryshim” për të ardhur në pushtet përballë PS-së me sloganin “Mbro të ardhmen”.

Më poshtë marrëveshja e plotë dhe emrat e partive që do të bëjnë pjesë

MARRËVESHJE

PËR KRIJIMIN E KOALICIONIT

“PARTIA DEMOKRATIKE – ALEANCA PER NDRYSHIM”

Sot më datë 23.02.2021, ne, partitë politike të mëposhtme:        

Ne po bashkohemi, si parti dhe si qytetarë, për t’i sjellë ndryshimin Shqipërisë.

Ne bashkohemi që të garantojmë fitoren në zgjedhjet e ardhshme dhe t’i sjellim ndryshim vendit tonë. 

Të gjithë e dimë që duhet ndryshim. Shqiptarët janë të fortë, Shqipëria është e fortë. Ka vetëm një njeri përgjegjës për dështimin e Shqipërisë në 8 vitet e fundit dhe ky është Edi Rama.

Ne po ndajmë të njëjtat vlera e parime në veprimtarinë e përgjithshme politike, si edhe në vizionin për qeverisjen e vendit. Dëshirojmë të koordinojmë angazhimet dhe kontributin për fitoren e përbashkët politike dhe prandaj

 

Pakti i plotë/ PD ndryshon emrin e koalicionit dhe rikthen atë të

VENDOSËM QË:

1. Të formojmë një Koalicion për të konkuruar së bashku në zgjedhjet për kuvendin të datës 25 Prill 2021.

2. Emri i koalicionit është “Partia Demokratike – Alenaca per Ndryshim”

3. Shkronjat nistore të Koalicionit do të jenë: “PD - AN”-

    Sigla e Koalicionit është PD

   Partia udhëheqëse e koalicionit është Partia Demokratike e Shqipërisë.

4. Të autorizojmë Z. Lulzim Basha, Kryetari i Partisë Demokratike, që të paraqesë pranë Komisionit Qendror të Zgjedhjeve (KQZ) listat shumëemërore të kandidatëve për deputet, si dhe çdo dokumentacion tjetër të nevojshëm për regjistrimin e koalicionit dhe kandidatëve deri në përfundim të procesit zgjedhor.

5. Të autorizojmë Z. Ivi Kaso që:

Të paraqesë kërkesë për regjistrimin e Koalicionit “Partia Demokratike – Aleanca per Ndryshim”, së bashku me këtë marrëveshje, pranë KQZ-së.

Të përfaqësojë Koalicionin gjatë procedurës së shortit, në KQZ, për renditjen e subjekteve zgjedhore në fletën e votimit.

Të caktojë vëzhguesit e Koalicionit në KZAZ-të, KQV-të dhe VNV-të, në të gjithë vendin.

6. Termat konkrete të bashkëpunimit brenda koalicionit do të përcaktohen   nëpërmjet marrëveshjeve dypalëshe të partive politike në përbërje të tij. Numri përkatës i kandidatëve që do të propozojë çdo parti brenda koalicionit do të specifikohet në momentin e depozitimit të listës shumëemërore të kandidatëve të koalicionit, sipas modelit të përcaktuar në aneksin e Udhëzimit nr. 1 dt. 23.12.2020 të KQZ.

7. Në listën shumëemërore të koalicionit zgjedhor do të përfshihen, për çdo parti të koalicionit, numri i kandidatëve dhe renditja e tyre, bazuar në peshën elektorale që rezulton për secilën parti. Kandidatët në listat shumëemërore të koalicionit, pavarësisht se cilës parti i përkasin, do të konsiderohen dhe vlerësohen si kandidatë vetëm të koalicionit, duke shmangur trajtimin e tyre sipas përkatësive partiake.

8. Kjo marrëveshje hyn në fuqi menjëherë ditën e nënshkrimit të saj.

Partitë e Koalicioni “Partia Demokratike – Aleanca per Ndryshim”, firmëtare të kësaj marrëveshje, janë:

PARTIA DEMOKRATIKE

Kryetari

Lulzim BASHA

PARTIA REPUBLIKANE

Kryetari

Fatmir MEDIU

PARTIA PËR DREJTËSI INTEGRIM DHE UNITET

Kryetari

Shpëtim IDRIZI

PARTIA LËVIZJA PËR ZHVILLIM KOMBËTAR

Kryetari

Dashamir SHEHI

PARTIA BASHKIMI PËR TË DREJTAT E NJERIUT

Kryetari

Vangjel DULE

PARTIA AGRARE AMBIENTALISTE

Kryetari

Agron DUKA

PARTIA DEMOKRISTIANE

Kryetari

Nard Ndoka

PARTIA FRYMA E RE DEMOKRATIKE

Kryetari

Bamir TOPI

PARTIA BASHKIMI LIBERAL DEMOKRAT

Kryetari

Arian STAROVA

PARTIA BALLI KOMBËTAR DEMOKRAT

Kryetari

Artur ROSHI

PARTIA BASHKIMI DEMOKRAT

Kryetari

Ylber VALTERI

PARTIA MENDIMI DJATHTË LIBERAL

Kryetari

Mustafa LICI

PARTIA LËVIZJA E LEGALITETIT

Kryetari

Shpëtim Axhami

PARTIA KRISTIAN DEMOKRATE

Kryetari

Dhimitër Muslia

 

Denonco

Keni informacion në interes të publikut? Dërgojeni në Shqip duke klikuar këtu.

Poll

Zgjedhje 2021

Ndiqni të gjitha lajmet e fundit
në rrjetet tona shoqërore