Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Në Fokus

“Niko Peleshi është kaq i zi në korrupsionin e vet, ministër nën hetim për...”

E Mërkurë 30 Dhjetor 2020, 12:01 Gazeta Shqip

“Niko Peleshi është kaq i zi në korrupsionin e vet,

Kanë qenë të forta akuzat e politikanit të opozitës, përfaqësues i qarkut të Korçës ndaj ministrit të sapoemëruar në qeveri, Niko Peleshit.

Ervin Salianji, ish-deputet i PD-së deklaroi në emisionin “Open” se Niko Peleshi, përveç se një ministër që është i paaftë, është personi që mban në duart e tij qytetin e Korçës, pasi shihet si pronari i Korçës.

“Niko Peleshi është kaq i korruptuar dhe kaq i zi në korrupsionin e vet, sa është i vetmi ministër, apo ish-ministër ndaj të cilit sot ka hetim. Dhe ka një hetim për një çështje që prek drejtpërdrejt qytetarët shqiptarë kur ka qenë ministër i Bujqësisë. AKU-ja që është institucioni përgjegjës dhe kontrollues për cilësinë e ushqimeve, të preparateve, etj, etj, ka ndaluar një preparat i cili është i rrezikshëm dhe kjo ka dalë në media”, tha ish-deputeti i PD-së.

Salianji më pas shtoi: “Nuk pati asnjë bilanc, asnjë ndihmë ndaj fermerëve të paktën në zonën e Korçës, vetëm fabrika sallami apo kompani që kanë lidhje me fushatën e PS-së. Janë kuaj të ngordhur dhe lëvizje në panik që Edi Rama i ndërmerr, jo për t’ju folur qytetarëve, por ka të vetmen kartë, përpjekjen për të përfshirë personat që janë kapur në vjedhje vota për të blerë vota dhe të intimidosh votuesit. Është pronar i qytetit, nuk ka cep, nuk ka zonë që nuk janë ose miqtë oligarkë lokal të këtij zotërisë, ose ky vetë në mënyrë të drejtpërdrejtë”.

Në lidhje me ndryshimet në qeveri, Salianji tha se “Edi Rama mendon se duke i dhënë një kredo politike edhe më shumë peshë do të përdorë më shumë administratën. Por nuk do ta ketë të lehtë, por e di që me të njëjtët kuaj por të ngordhur të rikthejë qeverinë e 2013-s e cila çoi 300 mijë shqiptarë jashtë vendit dhe rriti çmimet”./GazetaShqip

 

 

 

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore