Mik me Lulzim Bashën? Kush është Amar Shkëmbi që u arrestuar sot Abu Dhabi

Ditën e sotme është arrestuar Amar Shkëmbi, i cili akuzohet si i përfshirë në atentatin ndaj prokurorit Arjan Ndoji.

Arrestimi ka ardhur si pasojë e një bashkëpunimi të frytshëm mes policisë shqiptare dhe asaj të Abu Dhabit. 

Po kush është Amar Shkëmbi?

Bëhet me dije nga burimet për mediat se Amar Shkëmbi është arrestuar edhe më herët, në 2018 në Holandë, pasi i janë gjetur dhe sekuestruar 60 kg heroine, por nuk dihet si ka dalë nga burgu.

Ndërkohë, ai njihet edhe si miku i ngushtë i ish- kreut të Partisë Demokratike, Lulzim Basha.

Pas arrestimit të tij, pritet nisja e procedurave për ekstradimin drejt Shqipërisë ku do të gjykohet lidhur me akuzat që rëndojnë ndaj tij, “Vrasja në rrethana cilesuese”, “Mbajtja pa leje dhe prodhimi i armëve luftarake dhe i municionit, “Grup i strukturuar kriminal” dhe “Kryerja e veprave penale nga grupi i strukturuar krininal”.

Atentati ndaj prokurorit Ndoja

Kujtojmë se në vitin 2019 një atentat me breshëri automatiku iu bë ndaj ish- prokurorit Arjan Ndoj pranë mbikalimit të Shkozetit. Ngjarja ndodhi më 1 nëntor të vitit 2019 në autostradën Tiranë-Durrës në afërsi të mbikalimit të Shkozetit. 

Ditën e ngjarjes Prokurori Ndoja ishte në automjet me një person me precedentë penalë, të njohur si i "forti i Sukthit",  Aleksandër Laho (alias Pëllumb Muharremi). i njohur si 'Rrumi i Shijakut', dhe me Andi Malokun, ish-punonjës i policisë në komisariatin e Krujës, shofer i prokurorit, i cili mbeti i vdekur.