Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Në Fokus

Meta, si Trumpisti i fundit që kërkon të përsërisë rebelimin e ‘Capitol Hill’ në Tiranë

Meta, si Trumpisti i fundit që kërkon të përsërisë

Ilir Meta ka bërë sot dy postime të forta politike. Njëri që thekson se duhet “përmbysje demokratike” dhe tjetri që “më 25 prill Shqipëria është në dorë të shqiptarëve”.

Ilir Meta me këto postime duket se është “Trumpi” i fundit në politikën botërore, pasi kërkon t’i ndajë njerëzit në “Shqiptarë” që votojnë kundër qeverisë dhe “jo shqiptarë” ata që votojnë kundër qeverisë.

Ky qëndrim i fortë e i ashpër i presidentit të Republikës është politik dhe që i jep një kërcitje të fortë kushtetuese të rolit të tij kushtetues, pasi ai është dhe duhet të jetë President i “të gjithë shqiptarëve”.

Por nga ana tjetër, kreu i shtetit, ka publikuar edhe një kërcënim të fortë në faqen e tij zyrtare, ku ka shkruar: “Shqipëria nuk futet dot në thes nga një çetë me banditë, oligarkë dhe arrogantë. HARROJENI! Më 25 prill 2021, Shqipëria në dorë të shqiptarëve”.

Që Meta e ka me Edi Ramën dhe PS-në kjo dihet padyshim, por çështja është se duket qartë se kërcënimi i Presidentit duket se nuk është thjesht elektoral, por edhe postelektoral.

Që nëse fiton PS, ai nuk do ta lërë, me aq sa ka në dorë që të ketë qetësi politike në vend. Duke e krahasuar me logjikën e Donald Trump që solli kundërshtimin e  rezultateve e si pasojë çoi në rebelimin në Capitol Hill, në Shqipëri, kjo logjikë, si pasojë e mos prezencës së institucioneve të forta mund të sjellë një rrezik të madh për një përplasje.

Mesazhet e Presidentit duket se janë qartë si opozitare, apo antiqeveritare. Por si të tilla ato janë politike dhe si politike nuk kanë të bëjnë me zyrën e Presidentit. Nëse Meta vërtetë kërkon të nxisë një mision antiqeveritar, atë nuk mund ta bëjë nga selia numër një e shtetit. Duket të zbresë në fushën e betejës, por jo si kryetar i shtetit/ Gazeta Shqip

©Copyright Gazeta Shqip

Ky artikull është ekskluziv i Gazetës Shqip, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar Gazeta Shqip dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore