Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Në Fokus

Mediat serbe: Albert Krasniqi, vrau një 17-vjeçar serb të Kosovës në vitin 2004

Mediat serbe: Albert Krasniqi, vrau një 17-vjeçar serb të

Mediat serbe i kanë dhënë mjaft hapësirë ngjarjes së djeshme në Prishtinë ku Skënder Krasniqi vrau të birin e tij, Albertin.

Është televizioni i Beogradit, B92, i cili pasi ka dhënë informacionin e plotë që vjen nga policia e Kosovës për këtë krim të rëndë në familjen, kujton faktin se viktima e djeshme është dënuar për një vrasje në vitin 2004 ndaj një Serbi të Kosovës.

Siç bën të ditur B92, Krasniqi u dënua për vrasjen që kreu pranë një diskoteke në Graçanicë. Vrasja ndodhi në 2004 në Graçanicë, kur një i ri serb, Dimitrija Popoviç, u vra në rrugë, me kallashnikov, ku të shtënat erdhën nga një makinë në lëvizje.

Dimitrije Popoviç, i cili ishte vetëm 17 vjeç (në foton poshtë), u vra para një kioske “Fast-food” në Graçanicë. Dimitri dhe tre miqtë e tjerë u qëlluan me armë automatike rreth orës 2.30 të mëngjesit, nga një makinë “Audi”, ndërsa ishin në një kioskw të ushqimit të shpejtë.

Mediat serbe: Albert Krasniqi, vrau një 17-vjeçar serb të

Përveç këtij shtatëmbëdhjetëvjeçari, i cili humbi jetën nga plagët e armëve të zjarrit, askush nuk u lëndua. Dy shqiptarë u arrestuan për vrasjen e tij - Labinot Gashi dhe Albert Krasniqi.

Krasniqi ishte gjithashtu i përfshirë në plagosjen e reperit të njohur shqiptar Noizy në qendër të Prishtinës. Plagosja ndodhi më 13 shtator 2016, ndërsa Krasniqi u ndalua dhe u dënua për plagosjen e këngëtarit të lartpërmendur.

Gjithashtu, njësitë përkatëse kohët e fundit shpallën në kërkim Krasniqin për shkak të dhunës në familje. Albert Krasniqi u vra dje në Prishtinë ku u qëllua në rrugën Isa Kastrati. Të shtënat ndodhën dje rreth orës 5 pasdite.

“Menjëherë pas marrjes së informacionit, policia shkoi në vendin e ngjarjes dhe ndërmori të gjitha veprimet e nevojshme, të cilat konsistojnë në hetimin e rrethanave që karakterizojnë ngjarjen. Një person u arrestua dhe arma e dyshuar për t'u përdorur në çështje u konfiskua”, tha policia duke zbuluar emrin e viktimës.

Skënder Krasniqi lajmëroi policinë e Kosovës pas vrasjes në lidhje me rastin dhe u tha atyre të vinin sepse “unë vrava djalin tim". /GazetaShqip

 

 

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore