Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Në Fokus

Ligji i ri/ Parlamenti kërkon pezullimin e Vettingut në polici

E Hënë 22 Shkurt 2021, 12:51 Gazeta Shqip

Ligji i ri/ Parlamenti kërkon pezullimin e Vettingut në polici

Pesë deputetë të Parlamentit kanë depozituar projektligjin për pezullimin e Vettingut në Polici, duke kërkuar ndarjen e procesit të futjes në sitë të punonjësve të Policisë të Shtetit.

Ermonela Felaj, Arben Elezi, Luan Harusha, Antoneta Dhima dhe Elona Gjebrea janë deputetët që kërkojnë pezullimin e procesit të vettingut deri në një farë kohe, derisa të kryehet ky proces.

Deputetët kërkojnë që më parë procesi i vettingut të përfundojë te SHÇBA-ja dhe më pas në nivelet e tjera të uniformave blu.

“Procesi i vlerësimit kalimtar të punonjësve të Policisë së Shtetit, Gardës së Republikës pezullohet deri në përfundimin e procesit të vlerësimit kalimtar të trupës së vlerësimit të punonjësve të Shërbimit për Çështjet e Brendshme dhe Ankesave”, thuhet në propozimin e pesë deputetëve.

Projektligji i siguruar nga Gazeta Shqip,  nga ana e deputetëve argumentohet se “Qëllimi i këtij projekt-ndryshimi është të përmirësojë eficencën e procesit (të vlerësimit kalimlar dhe periodik sipas parashikirneve të Ligjit 12/20l8, të ndryshuan duke pezulluar procesin e vlerësimit kalimtar të punonjësve të Policisë së Shlelit dhe Gardës së Republikés dhe duke e orientuar punën e Komisionit të Jashtëm të Vettungut në përfundimin së pari të procesit  të vlerësimit kalimtar për trupën vlerësuese të Shërbimit për Çështjet e Brendshme dhe Ankesat”.

Sipas relacionit të siguruar nga Gazeta Shqip, theksohet se “bazuar në raportimin e fundit të KJV, që kur ka filluar punën KJV deri në Dhjetor 2020 kanë përfunduar procesin e Vlerësimit kalimiar vetëm 32 subjekle. Ky ndryshim do të mundësonte fokusimin dhe përmbylljen në kohë të procesit të Vettingut për trupën vlerësuese të Shërbimit për Çështjet e Brendshme dhe Ankesat, e cila  më tej, do të mund të shtrinte objektin e vlerësimit kalimtar dhe periodik në subjektet e tjera të ligjit”.

Gjithashtu, ky ndryshim do të mundësonte kohën e nevojshme që institucionet e përfshira të bënin një analizë më të thelluar të këtij procesi dhe t‘i propozonin ligjvënësit zgjidhje për një sërë problematikash të evidentuara edhe nga partnerë ndërkombëtarë në fushën e rendit dhe sigurisë.

Pra më këtë nismë se procesi i vettingut ka ecur me ritme të ngadalta dhe kjo nismë sipas pesë deputetëve lidhet edhe nga rekomandimete GRECO, një organizëm që funksion pranë Këshillit të Europës.

“Greco rekomandon: “Që  funksionet më të ekspozuara ndaj riskuttë integritetit dhe mjetet e tjera ekzistuese të menaxhimit të riskut dhe që të kontrollohet për integritetin e kandidatëve të kryhen në kontestin e ndryshimit të postit dhe ngritjes në detyrë dhe në interval gjatë karriesrës së punonjësve të policisë”, thuhet në këtë relacion.

Ligji i ri/ Parlamenti kërkon pezullimin e Vettingut në polici

Pra mazhoranca po pezullon këtë proces duke synuar kështu edhe ndryshimin e ligjit për vetingun në policnë e Shtetit dhe në Gardën e Republikës.

©Copyright Gazeta Shqip

Ky artikull është ekskluziv i Gazetës Shqip, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar Gazeta Shqip dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore