Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Me Rëndësi

"I jepnin njëri-tjetrit topin e letrës higjienike korridoreve"/ Veliaj flet për ditën e parë në Bashki: Gjeta një zorrë, njëri thithte ujin...

E Enjte 13 Prill 2023, 17:16 Gazeta Shqip

"I jepnin njëri-tjetrit topin e letrës higjienike

Kryetari i Bashkisë Tiranë, Erion Veliaj, në intervistën e tij për “Milori Live”, i rikthehet çështjes së ujit të pijshëm që diskutohet nga opozita. Veliaj, i cili kandidon për mandatin e tij  të tretë, kujton një episod nga dita e tij e parë në bashki kur mori detyrën  dhe iu desh të përdorte tualetin.
Për  habinë e tij, tualeti që përdoret nga personalitetet e rëndësishme shqiptare dhe botërore, funksiononte me një fuçi të madhe.

"Unë kam dy mandate kryetar bashkie por nuk kam për të harruar ditën e parë, është hera e parë që po e them në një studio këtë, ditën e parë në bashkinë e Tiranës, në katin e dytë ku hyjnë personalitetet, ka ardhur Princi i Monakos, kanë ardhur kryeminstra, presidentë, gjithë paria e botës që vjen, çelësi i kryeqytetit dhe ne mbarojmë atë ceremoninë e betimit dhe shkojmë në kat të dytë.

Unë, ti e di që unë jam tip sportiv, nuk vesh kollare e gjëra. Kulloja në djersë, aty Korrik a Gusht çfarë ishte ai betimi i parë, bëmë një pritje të vogël, kishin ardhur autoritetet fetare, gjithë çfarë ishin këta VIP-at e njerëzit e rëndësishëm të qytetit dhe duhet të shkonim në tualet. Te tualeti i katit të dytë pra ku shkon paria e Shqipërisë që vjen në bashki, aty gjej një fuçi të madhe, fuçi, fuçi e çarë, fuçia me ujë, kishte një zorrë dhe njëri e thithte zorrën që të vazhdonte uji dhe të rrëshqiste në mënyrë konstante, pra të improvizonte një galixhan për një “alla turca” aty.

Ndërkohë kishte një skaldabanjë sipër dhe kushdo që vinte si personalitet, i  jepej një top letre higjienike që ta merrte me vete, domethënë kjo ishte gjendja e ujit dhe e kanalizimeve në Tiranë. Pra në shtëpinë, se shtëpia e qytetit, e kryeqytetit të të gjithë shqiptarëve, e kryetarit të bashkisë që me demek përfaqëson kryeqytetin e gjithë shqiptarë, një i huaj… imagjino kur dëgjoj këta që japin mend për ujin, nuk e di a e ke dëgjuar, është njëri që ka marrë 300 vota, është Petrit Vasili, ka qenë nënkryetar bashkie ai, i këtyre bashkive. Jorida, Luli vetë, ky drejtori i rinisë që sot kandidon dhe imagjino, shkëmbeheshin në korridor dhe i jepnin njëri-tjetrit topin e letrës higjienike", tha ai.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore