Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Me Rëndësi

I dënuar përjetë për rrëmbimin e Jan Prengës, Bixhdili bën "kërkesën e paparitur" në Gjykatën e Lartë

E Mërkurë 24 Maj 2023, 12:25 Gazeta Shqip

I dënuar përjetë për rrëmbimin e Jan Prengës,

Festim Bixhdili, i është drejtuar me rekurs Gjykatës së Lartë, ku kërkon prishjen e vendimit të dënimit të tij me burg përjetë për rrëmbim me pasojë vdekjen dhe më pas zhdukjen e kufomës së Jan Prengës.

Sipas SPAK, referuar kamerave të sigurisë në ambientet e resortit në pronësi të Altin Hajrit, Bixhdili ka pastruar vendin e krimit, ka gjetur kazmat dhe lopatat, duke kërkuar për vendin ku do groposej trupi, si dhe ka gjetur rroba të pastra për autorët që bën rrëmbimin.

Jan Prenga u rrëmbye mesditën e 17 janarit 2020 pranë banesës së tij, në rrugën ‘London’ në Kamëz.

Disa persona e dhunuan dhe e futën me forcë në një automjet, ndërsa pas 11 ditë hetimesh intensive e çuan policinë në një resort në Shijak, në pronësi të Altin Hajrit. Sipas SPAK, rrëmbimi i Prengës erdhi për shkak të vjedhjes së një sasie kokaine të mbërritur nga Ekuadori në portin britanik Portsmouth.

Ka dyshime se Festim Bexhdili di vendin ku mund të jetë groposur Jan Prenga. Sipas SPAK i pandehuri nuk ka treguar të vërtetën dhe as vendin ku është fshehur trupi i viktimës. Sipas Prokurorisë së Posaçme, Bixhdili nuk ka pranuar të bashkëpunojë, por nga pamjet filmike dhe antenat celulare është vërtetuar se ai ka shkuar në kompleksin “Golden” disa minuta pasi është dërguar i rrëmbyeri dhe është marrë me pastrimin e vendit.

Sipas prokurores, të nesëmen Bexhdili është larguar me një furgon dhe shihet që është me kazmë e lopatë. Për gjetjen e kufomës së tij janë kryer disa herë kërkime nga Policia. Me 3 vite u dënua Olsi Turjen, që akuzohet për veprime që pengojnë zbulimin e të vërtetes, por shuhet masa e sigurisë ndaj tij.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore