Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Në Fokus

HERONJTË e vitit 2021/ Sakrificë deri në vetëmohim, këta janë 2 të rinjtë që nuk duhen harruar

HERONJTË e vitit 2021/ Sakrificë deri në vetëmohim,

Përpos shumë ngjarjeve që duhen harruar si krime e aksidente, viti 2021 nxori në pah edhe anën njerëzore të shqiptarëve.

Mësuam që heronjtë e vërtetë nuk janë vetëm në filma, por edhe mes nesh në jetën tonë të përditshme.

Janë aty për të ndihmuar të njohur e të panjohur, gati deri në vetësakrifikim. Dhe ky vit tregoi 2 raste që do qëndrojnë gjatë në kujtesën tonë.

Shkëlzen Tafa, polici 29-vjeçar, kishte dalë si çdo ditë e zakonshme e tij. Por, për fat të mirë u gjend në vendin e duhur në kohën e duhur.

Sapo pa një sherr në mes të rrugës në zonën e Astirit, nuk ngurroi të ndërhynte menjëherë edhe pse nuk ndodhej në shërbim.

Një personi po i rrezikohej jeta, teksa Taulant Mekollari, i njohur si njeri problematik, tentonte ta shtypte me makinë.

Efektivi i ri, si profesionist i vërtetë ndërhyri duke neutralizuar ngjarjen dhe duke shtrirë përtokë autorin.

Po ashtu nuk mund të harrohet rasti i Arjan Salës, i cili mbeti mes flakëve për të shpëtuar kolegët tek një qendër tregtare në Tiranë.

33-vjeçari, prej 5 vitesh punonte në këtë qendër tregtare si punonjës i sigurisë. Nga kolegët, ai njihej si një person tepër korrekt dhe i sjellshëm.

Miqtë e tij tregonin se Arjani u shkonte gjithmonë në ndihmë. I zëvendësonte në punë edhe kur ata mungonin për arsye shëndetësore.

Mirësinë ndaj të tjerëve, ai e tregoi edhe me aktin e fundit, kur u vetësakrifikua në flakë për të shpëtuar kolegët. Arjan Sala la pas gruan, fëmijën 2 vjeç dhe prindërit.

 

 

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore