Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Me Rëndësi

Furnizoi me gaz falsifikatorin serial, kallëzohet në SPAK kreu i IKMT-së së Korçës

Furnizoi me gaz falsifikatorin serial, kallëzohet në SPAK kreu i

Kryeinspektori i IKMT-së së Korçës, Enver Shahinasi, është kallëzuar në Prokurorinë e Posaçme Kundër Korrupsionit dhe Krimit të Organizuar. Gazeta "Shqip" investigoi veprimet dhe mosveprimet e këtij funksionari, nga ku rezultoi se ai kishte një marrëdhënie biznesi me një biznesmen i cili kishte ndërtuar pa leje.

Një marrëdhënie kriminale, duke ngritur hije të mëdha dyshimi se Shahinasi po "mbron" me fanatizëm ata që ndërtojnë pa leje, që presin pyje apo ata që falsifikojnë dokumente. Burime nga SPAK i thanë "Shqip" se në adresë të tyre ka shkuar një kallëzim penal i firmosur nga S.B., i cili ka radhitur një seri shkeljesh të Shahinasit.

"Z. Reli ka kryer ndërtime të paligjshme në pasurinë e paluajtshme në bashkëpronësi. Për këtë arsye, kallëzuesi vazhdimisht është ankuar pranë organeve kompetente për mbrojtjen e territorit në nivel vendor (IMT Korçë) dhe nivel qendror (IKMT). Si rrjedhojë e insistimeve dhe kallëzimeve, IMT Korçë ka ushtruar inspektime dhe ka dhënë vendime lidhur me paligjshmërinë e ndërtimeve. Ndërkohë IKMT si organ qendror nuk ka vepruar në asnjë moment edhe pse ka qenë në dijeni të këtyre paligjshmërive, duke ngritur pretendime për ngarkesën në punë apo mos plotësim me organike" thuhet në këtë kallëzim.

Furnizoi me gaz falsifikatorin serial, kallëzohet në SPAK kreu i

Por, referimi në prokurori është bazuar pikërisht te deklarimet e z.Shahinasi në organet e prokurorisë, gjatë hetimeve të ndërtimeve pa leje në resortin "Montrelux", i ngritur me falsifikime mbi subjektin "Morava Resort". "Në kuadër të hetimeve paraprake të kryera janë thirrur edhe u pyetën përveç shtetasit Edlir Limllari, IMT Korçë, edhe shtetasi Enver Shahinasi, Alketa Petro punonjës të IKMT, Drejtoria Korçë, të cilët ngrenë pretendime për ngarkesën në punë. Mosplotësimin me organikë edhe mbi këtë fakt nga ana e tyre nuk është kryer asnjë kontroll.

Po kështu në deklarimin e tij shtetasi Enver Shahinasi thekson se ata krijojnë plane pune disa mujore për kryerjen e kontrollit dhe zonat turistike dhe ato në akset kryesore rrugore janë në fokusin e tyre por për këtë ndërtim nuk është kryer asnjë lloj inspektimi" thuhet në një dosje të prokurorisë.
E shkruar e zeza mbi të bardhë, duke faktuar se Shahinasi qartësisht e ka përkrahur dhe miratuar këtë procedurë të paligjshme, për të cilën mund të kenë përfituar disa privilegje të premtuara nga pala tjetër.

Më herët, është faktuar me dokumente se bashkëshortja e kreut të IKMT-së së Korçës, Pranvera Shahinasi, është aksionere me 25 % në subjektin "Korça Gas". Sipas kontratave dhe faturave tatimore, rezulton se subjekti "Korça Gas" ka furnizuar me gas subjektin "Montrelux". Pra, një marrëdhënie biznesi mes kreut të IKMT-së dhe subjektit që duhet të kontrollonte.

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore