Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Në Fokus

Çfarë tha e çfarë la pa thënë Lulzim Basha!

Çfarë tha e çfarë la pa thënë Lulzim Basha!

Lideri i opozitës Lulzim Basha ka dalë në paraqitjen e parë publike pas shpalljes së datës së zgjedhjeve nga ana e Presidentit të Republikës e që është 25 prilli.

Ndaj dhe pritshmëria publike për një performancë të plotë të njeriut që kërkon të vijë në qeverisjen e vendit është e justifikuar.

Megjithatë, duhet thënë se të rejat që përcolli zoti Basha në Opinion ishin kryesisht tre: taksa e sheshtë 9%, rroga 1 milion të vjetra për shtresën e mesme dhe që Sali Berisha do të jetë deputet dhe ta zgjedhë vetë qarkun ku do të kandidojë.

Padyshim që fushata është e gjatë dhe ka kohë për një përplasje programesh apo alternativash që në prill, e që palët do të duhet të shikojnë edhe kundërshtarët për të studiuar strategjitë e taktikat.

Megjithatë, për një forcë opozitare që ka 2 mandate që pret është normale që të mos presë kundërshtarët, por të përgatisë një program të plotë dhe një set premtimesh elektorale që ta kthejë në temën kryesore të fushatës.

Në vitin 2013, Edi Rama e ktheu përpara fushatës, si temë kryesore çështjen e taksës progresive për të cilën u fol shumë, pa fund.

Në fakt, taksa e të ardhurave personale, është një pjesë krejt e vogël që u intereson njerëzve, pasi si progresive si e sheshtë, ajo taksë do të mblidhet nga shteti dhe përgjithësisht do të shkojë aty aty me pluset dhe minuset e veta.

Shqiptarët nuk janë prekur asnjëherë nga taksat që qeveritë vendosin sipas nevojave që ata kanë për likuiditet, por për tarifat e hapura dhe të fshehta që vendosen si ërpurdhat pas shiut sa herë arka e shtetit është bosh.

Taksa e sheshtë 9% në fakt nuk se është gjë e re, zoti Basha e ka pasur këtë edhe para 4 viteve dhe e ka përsëritur shpesh.

Problemi, është tek një program i plotë, i opozitës për t’ju përgjigjur situatës aktuale.

Si mendon qeveria e opozitës që të mbushë gropën e krijuar në ekonomi nga tërmeti i 26 nëntorit dhe Pandemia e Covid-19? Si mendon ajo që të sillet me pandeminë që pritet të kërcënojë edhe më popullatën dhe ekonominë?

Si mendon qeveria e opozitës, të trajtojë borxhin, investimet publike punësimin, arsimin, tekstet, universitetet? Ja, këto janë vetëm disa pyetje që natyrisht kërkojnë përgjigje në vija të trasha nga zoti Basha dhe opozita.

Ka një deklaratë për rrogën 1 milion për shtresën e mesme, është një premtim mjaft ambicioz, por që nuk specifikohet për cilat paga, ato private apo shtetërore, dhe nëse janë private si do të arrihet kjo, cili është plani ekonomik në makro dhe në mikro.

Një program i qartë dhe i plotë nga ana e opozitës, ka shumë gjasa që të sjellë në debatin publik, një mënyrë më të civilizuar dhe të kuptueshme për njerëzit që do të votojnë më 25 korrik.

Ngase diskursi nuk u drejtohet vetëm atyre që do të votojnë PD-në, pasi ata do ta bëjnë këtë sido që të jetë, por edhe atyre që nuk e kanë vendosur ende, si edhe kundërshtarëve që votojnë të majtën. Pasi nëse PD vjen në qeveri, nuk do të qeverisë vetëm votuesit e saj, por të gjithë shqiptarët.

©Copyright Gazeta Shqip

Ky artikull është ekskluziv i Gazetës Shqip, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar Gazeta Shqip dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore