Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Në Fokus

Ekskluzive/ A duhet ta marrë Shqipëria vaksinën ruse? Mblidhet Akademia e Shkencave, flet për SHQIP imunologu Sulçebe

E Mërkurë 12 Gusht 2020, 18:05 Gazeta Shqip

Ekskluzive/ A duhet ta marrë Shqipëria vaksinën ruse? Mblidhet

Vaksina ruse e cila pritet të aplikohet në muajin tetor në Rusi, është krijuar sipas së njëjtës teknologji si vaksina e Oksfordit apo CanSino kineze. Ky është mendimi i ekspertëve tanë imunologë të cilët po ndjekin me vëmendje zhvillimet në këtë fushë.

Nisur nga debati, nëse duhet që Rusia të ndjekë këshillat e OBSH për të aplikuar edhe fazën e tretë klinike, siç është ajo e testimit masiv në popullatë, gjatë një mbledhje të grupit të punës në Akademinë e Shkencave ku po ndiqen nga afër të rejat e shkencës mbi trajtimin e covid dhe parandalimin e përhapjes së tij.

Imunologu i njohur Genc Sulçebe tha në këtë mbledhje se të treja vaksinat, përdorin si vektor një adenovirus të inaktivizuar në materialin gjenetik të të cilit është inseruar ARN e SarsCov2.

Pra teknologjikisht vaksina ruse është në të njëjtin nivel. “Ndryshimi është se vendet perëndimore duhet të kalojnë fazën III klinike para se të rregjistrohen”, është shprehur profesor Genc Sulçebe.

Sulçebe, gjatë diskutimit të tij tha se vaksina ruse nuk ka asnjë rrezik, por nuk dihet nëse do të ketë efikasitet të lartë. E vetmja gjë që mund të parashikohet është krijimi i imunitetit të tufës.

I kontaktuar nga gazeta “Shqip”, Sulçebe tha se me ligj të posaçëm faza e tretë e cila ka të bëjë me testimin në masë në popullatë për të parë efikasitetin e vaksinës ndaj virusit Covid-19, është hequr nga rusët si domosdoshmëri për regjistrim.

“Në këtë mënyrë ata fitojnë 2-3 muaj në kohë dhe fillojnë vaksinimin në masë pa fazë të tretë.
Kjo fazë përfshin aplikim në disa mijëra vullnetarë dhe krahasimi me disa mijëra të tjerë ku aplikohet një imitim i vaksinës anticovid, ose siç njihet ndryshe placebo.

Ekskluzive/ A duhet ta marrë Shqipëria vaksinën ruse? Mblidhet

"Kjo kërkon disa muaj kohë studimore që eliminohet kështu nga rusët”, u shpreh për “Shqip”, doktor Sulçebe.
Sipas doktorit Sulçebe, Rusia duke qenë jashtë Unionit Evropian, pas regjistrimit është e lirë të ndërmarrë të tilla nisma që për vendet e BE është e ndaluar. Në vendet e Unionit vaksina është e ndaluar të aplikohet në popullatë pa kaluar fazën e tretë të testimeve për të parë nëse efikasiteti i saj është në masën 50 përqind.

Por immunologu i njohur thekson se vaksina ruse nuk ka asnjë efekt anësor pasi ka kaluar me sukses të dyja fazat, po ashtu asnjë rrisk ndërkohë që gjatë dy fazave të testimit ka rezultuar se krijon antitrupa të nevojshme për rritjen e imunitetit me qëllim luftimin e virusit covid 19.

Këtë të hënë, Rusia njoftoi se ka zhvilluar një vaksinë që ka marrë miratimin e autoriteteve shtetëërore. Presidenti rus Putin pretendoi se vaksinën e kishte bërë edhe vetë vajza e tij.

Organizata Botërore e Shëndetësisë iu përgjigj njoftimit të Rusisë duke theksuar se për të licensuar një vaksinë nevojiten testime shumë të kujdesshme.

©Copyright Gazeta Shqip

Ky artikull është ekskluziv i Gazetës Shqip, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar Gazeta Shqip dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore