Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Me Rëndësi

DËSHTON sistemi i votimit elektronik, pse KQZ nuk i kishte testuar më herët pajisjet?!

E Diel 14 Maj 2023, 15:27 Gazeta Shqip

DËSHTON sistemi i votimit elektronik, pse KQZ nuk i kishte testuar më

Janë duke u zhvilluar ditën e sotme në Republikën e Shqipërisë zgjedhjet lokale, ku pritet të emërohen kryetarët e rinj të 61 bashkive të vendit.

Teksa në shumicën e qyteteve të vendit është zhvilluar votimi tradicional, ai manual, në Kamëz, Vorë dhe disa qendra në Elbasan është aplikuar votimi elektronik.

Në disa qendra votimi ka patur vonesa për shkak të mos funskionimit të pajisjeve të identifikimit elektronik, ndërkohë që në disa të tjera ka probleme me paraqitjen e komisionerëve. Pajisjet PEI për identifikimin biometrik po shfaqin probleme në të gjithë Shqipërinë duke u bërë pengesë e rëndësishme për ecurinë e procesit deri më tani. Proceduar ishte e ngjashme, qytetarët shkonin në qendrat e votimit, nuk mund të votonin sepse pajisjet nuk punonin, njoftohej KQZ. Pas njoftimit që merrte KQZ qendra e votimit duhet të priste 3 dorë deri sa të zëvendësohej pajisja apo të niste votimi manual.

Duket se kjo neglizhencë e KQZ u ka kushtuar qytetarëve kohë, ndërkohë që një pjesë e tyre janë larguar dhe nuk janë rikthyer më për të votuar.

Komisioni Qendror i Zgjedhjeve nuk i ka testuar më herët pajisjet dhe ende nuk ka dhënë një motiv pse ato janë bllokuar. Kujtojmë që ky ngërç me pajisjet elektronike nga ndodhur në 502 qendra votimit.

Në rreth 4700 qendra votimi janë plotësisht funksionale. Duke parë situatën e krijuar, Komisioni Qendror i Zgjedhjeve ka urdhëruar që procesi i identifikimit të zgjedhësve në qendrat e votimit ku ka pasur probleme me pajisjen PEI, të vijojë manualisht, që do të thotë se zgjedhësit do të identifikohen me anë të listave të printuara. 

 

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore