Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Në Fokus

Dokumenti nga Kremlini? Putin autorizoi operacion sekret në mbështetje “të të paqëndrueshmit mendor” Donald Trump

Dokumenti nga Kremlini? Putin autorizoi operacion sekret në mbështetje

Vladimir Putin autorizoi personalisht një operacion sekret për të mbështetur “të paqëndrueshmin mendërisht” Donald Trump në zgjedhjet e 2016-s në Shtetet e Bashkuara të Amerikës. Autorizimi është dhënë gjatë një mbledhje të Këshillit Kombëtar të Sigurimit, sipas asaj që pretendohet në disa dokumenta që thuhet se kanë rrjedhur nga ajo mbledhje.

Mbledhja besohet se ka ndodhur më 22 janar 2016 dhe dokumenti sugjeron se në të Putin ka mbledhur shefin e agjencive të inteligjencës ruse dhe ministrat kryesorë të vendit e njerëzit e tij të besuar.

Ata ranë dakord që një Shtëpi e Bardhë me Donald Trumpin në krye do të ndihmonte Moskën në objektivat e saj strategjikë, mes të cilave ishte edhe trazirat sociale në SHBA dhe një pozicion i dobësuar i Presidentit amerikan në negociatat me Rusinë.

Tre agjenci të spiunazhit rus u urdhëruan që të gjejnë rrugë praktike në mbështejte të Trump, sipas një dekreti që në dokumentat e publikuara mban firmën e Presidentit Putin.

Në kohën që pretendohet se kanë ndodhur këto zhvillime, Trump kryesonte garën brenda republikanëve për t’u emëruar kandidat i tyre në zgjedhje. Një raport i ekspertëve pranë Putin, sugjerohej se Moska duhet të përdorë të gjithë forcën e mundshme që të siguronte një fitore të Trump.

Agjencitë perëndimore të spiunazhit, përfshirë këtu edhe CIA mendohet se kanë rënë në kontakt me këto dokumenta prej muajsh dhe tashmë janë në fazën e ekzaminimit të tyre. Dokumentat, sipas The Guardian, duket se përfaqësojnë një rrjedhje serioze dhe të pazakontë informacioni nga Kremlini i bunkerizuar.

The Guardian thotë se është në posedim të tyre dhe pas këshillimit me ekspertë të pavarur sugjerohet se ato janë origjinale. Sipas ekspertëve, ngjarjet që rrodhën më vonë dhe përmbajtja e tyre që tregon mënyrën se si vepron Kremlini, sugjerojnë se janë dokumenta origjinale.

Kremlini i hodhi poshtë këto pretendime. Zëdhënësi Dmitri Peskov tha se vetëm ideja që udhëheqësit rusë u mblodhën dhe ranë dakord që të mbështesin Donald Trump në fillim të 2016-s ishte një “sajesë e madhe”.

Raporti “No30-04\vd” është i klasifikuar si sekret. Në të thuhet se Trump është kandidati më premtues në këndvështrimin e Kremlinit. Fjala e përzgjedhur në rusisht është “perspektivny”.

Në të ka edhe një përshkrim të shkurtër të temperamentit dhe profilit psikologjik të Trump, që përshkruhet si “impulsiv, mendërisht i paqendrueshëm, i pabalancuar dhe që vuan nga kompleksi i inferioritetit”.

Po në këtë dokument duket se konfirmohet se Kremlini zotëron materiale kompromentuese për Donald Trump, të siguruara nga vizitat jozyrtare të tij në Federatën Ruse.

Dokumenti u referohet disa ngjarjeve që kanë ndodhur gjatë udhëtimeve të Trump në Moskë dhe ftohen anëtarët e Këshillit të Sigurisë që t’i gjejnë ato ngjarje në “kapitullin V, paragrafi V”, çiton dokumenti. Është e paqartë se çfarë përmban kapitulli V.

“Është shumë e nevojshme që të përdorim të gjitha forcat që të lehtësojmë zgjedhjen e tij si President i SHBA”, thotë dokumenti.

Kjo do të ndihmonte Rusinë drejt skenarit të saj teorik e praktik të favorizuar. Një fitore e Trump “përfundimisht do të destabilizonte sistemin socio-politik në SHBA dhe të nxjerrë në sipërfaqe pakënaqësitë e fshehura, thuhet më tej.

Takimi në Kremlin

Nuk ka asnjë dyshim se mbledhja e janarit 2016 ka ndodhur dhe që ka ndodhur brenda Kremlinit. Një foto zyrtare tregon Putin në krye të tavolinës me në krah Kryeministrin e asaj kohe, Dmitry Medvedev dhe ministrin e Jashtëm, Sergei Lavrov.

Dokumenti nga Kremlini? Putin autorizoi operacion sekret në mbështetje

Të pranishëm janë gjithashtu edhe ministri i Mbrojtjes, Sergei Shoigu, kreu i agjencisë së inteligjencës së ushtrisë, Mikhail Fradkov, shefi i shërbimeve të inteligjencës, Alexander Brotnikov, kreu i FSB-së (Ish-KGB), Nikola Patrushev dhe ish kreu i kësaj agjencie.

Sipas njoftimit zyrtar, diskutimi ka pasur në qendër ekonominë dhe Moldavinë. Dokumenti i siguruar nga “The Guardian” sugjeron se arsyeja e vërtetë e kësaj mbledhjeje ishte hartimi i strategjisë për hapat që duheshin ndjekur për t’iu përgjigjur sanksioneve amerikane.

Autori i këtij dokumenti thuhet se është Vladimir Symonenko, ekspert në Kremlin, që i siguron Putinit materiale dhe raporte analitike, disa prej të cilave bazuar në informacione të siguruara nga shërbimet inteligjente të huaja.

Dokumenti tregon se më 14 janar 2016, Symonenko qarkulloi për ekipin dhe stafin e tij një material me tre faqe me përfundime dhe rekomandime. Në një urdhër të firmosur dy ditë më vonë, Putin udhëzoi shefin e drejtorisë së politikave të jashtme, Alexander Manzhosin që të thërrasë një mbledhje të Këshillit të Sigurisë Kombëtare.

Qëllimi ishte studimi i mëtejshëm i këtij dokumenti, sipas urdhrit të Putin. Manzhosin iu la 5 ditë kohë që të rregullonte këtë takim.

Marrë nga The Guardian - Përktheu Gazeta Shqip

 

Denonco

Keni informacion në interes të publikut? Dërgojeni në Shqip duke klikuar këtu.

Poll

Në Fokus

Ndiqni të gjitha lajmet e fundit
në rrjetet tona shoqërore