Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Me Rëndësi

A po përhapen lajme të rreme nga PD, për të sfumuar Berishën?

E Premte 7 Janar 2022, 18:43 Gazeta Shqip

A po përhapen lajme të rreme nga PD, për të sfumuar

“Sa të veshë e vërteta pantallonat, gënjeshtra i ka rënë botës rreth e qark”. Kjo shprehje u shkon për shtat lajmeve të rreme që janë përhapur jo në pak raste në këta muaj në Shqipëri.

Rasti i fundit ishte lajmi i publikuar te gazeta Panorama, sipas të cilit SPAK kishte kërkuar heqjen e mandateve për deputetët Fatmir Mediu dhe Alqi Bllakon. Gazeta Shqip provoi se bëhej fjalë për një lajm të rremë, që më pas u përgënjeshtrua edhe nga deputeti Bllako.

Ai tha se bëhet fjalë për një lajm të rremë dhe riciklim akuzash ndaj tij. Në të shumtën e rasteve, lajmet e rreme prodhojnë më shumë bujë, e rrjedhimisht më shumë klikime e vizitorë për portalin e median që e pasqyron atë online.

Por, lajmet e rreme nëpër portale jo gjithmonë kanë në prapavijë klikimet. Një pjesë e tyre bëhen për të krijuar zhurmë me synim mbulimin e një zhurme më të madhe. Zhurma e madhe këto ditë është protesta e thirrur nga Sali Berisha për të larguar nga selia e PD Lulzim Bashën.

Nëse lajmet e rreme të këtyre ditëve synojnë eklipsimin e kësaj zhurme, atëherë kuptohet lehtë se burimi i tyre është nga selia e Partisë Demokratike. Në fakt, në të shkuarën Lulzim Basha është përpjekur shpesh për të sfumuar lëvizjen e Sali Berishës.

Në kohën që ish-Kryeministri zhvillonte foltoret e tij me demokratët nëpër rrethe, Lulzim Basha shpërthente si kurrë më parë në foltoren e Parlamentit, duke akuzuar Ramën për korrupsion e duke përmendur edhe emra biznesmenësh, që sipas tij ishin oligarkë.

Qëllimi i akuzave duket se më shumë se luftë ndaj Ramës, ishte të prodhonin lajm dite për të mbushur portalet e rivalizuar foltoret e Berishës, sepse me të mbyllur fjalën në Kuvend, Lulzim Basha i harronte këto akuza.

Basha thërriste konferenca shtypi, bashkëbisedim me gazetarët e nxirrte mbështetësit e tij nëpër ekrane sa herë që në ekrane ishte Sali Berisha. Të njëjtën gjë bëri edhe këtë të premte. Pasi Sali Berisha “vizitoi” oborrin e PD-së dhe tha se të shtunën do ta nxjerrë prej zyrës “me pekule”, Lulzim Basha nxorri Gazment Bardhin për të denoncuar sërish kriminelët që shoqërojnë ish-Kryeministrin.

Pas Gazment Bardhit doli edhe vetë para gazetarëve për të përçuar mesazhin se ishte i përgatitur për çdo përballje me Sali Berishën. Mbetet për t’u parë të shtunën nëse përgatitja ndaj Sali Berishës është e vërtetë, apo ishte edhe kjo një deklaratë e radhës si ajo e akuzave me oligarkë që ka shqiptuar shpesh nga foltorja e Kuvendit./Gazeta Shqip

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore