Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Në Fokus

A ka hyrë Delta në Has? Burimet: Dyshime se pacienti 0 erdhi nga Anglia

A ka hyrë Delta në Has? Burimet: Dyshime se pacienti 0 erdhi nga

Qarku i Kukësit është i treti më i prekur nga Covid në Shqipëri. Sipas të dhënave të publikuara nga Ministria e Shëndetësisë të shtunën, në këtë qark janë 25 raste aktive. Qarqet e tjera që kanë më shumë raste janë Tirana me 103 raste dhe Vlora me Elbasanin me nga 26 raste.

Si shpjegohet kjo vatër në Kukës? Burime të gazetës Shqip pohojnë se nga 25 rastet e Qarkut të Kukësit, 23 prej tyre janë të regjistruara vetëm në rrethin e Hasit dhe ka dyshime të forta se vatra e Covid-t që ka shpërthyer në këtë qytet është shkaktuar nga varianti Delta.

Burimet thonë se pacienti 0 në Has dyshohet të jetë një i ri i kthyer në Shqipëri nga Britania e Madhe në dhjetë ditët e fundit të muajit qershor, kohë kur kurba e infeksioneve me variantin Delta të Covid në Angli mori hovin më të madh.

Zyrtarisht autoritetet nuk ende nuk e konfirmojnë praninë e këtij varianti në Shqipëri, ndërsa jozyrtarisht burimet e gazetës Shqip pohojnë se deklaratat e ditëve të fundit nga Instituti i Shëndetit Publike dhe zyrtarë të tjerë të Ministrisë së Shëndetësisë që lënë të hapur mundësinë e hyrjes së këtij varianti në vendin tonë u referohen pikërisht rasteve të Hasit.

Burimet thonë se mes mostrave që ISHP ka dërguar në laboratorin e referencës në Berlin janë edhe mostra të pacientëve të regjistruar pozitivë në Has, por që përgjigja për to ende nuk ka mbërritur, ndaj deri në përgjigjen e Berlinit, Delta në Shqipëri vijon të mbetet zyrtarisht jashtë.

©Copyright Gazeta Shqip
Ky artikull është ekskluziv i Gazetës Shqip, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar Gazeta Shqip dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore