Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Ndryshe

Ndikimi i dhjamosjes në shëndetin e meshkujve dhe femrave, ja çfarë duhet të bëni

Ndikimi i dhjamosjes në shëndetin e meshkujve dhe femrave, ja

Yndyra akumulohet në mënyra të ndryshme në trupin e meshkujve dhe femrave.

Sipas një studimi, të kryer nga Universiteti Riverside të Kalifornisë, hormoni estrogjen tek femrat luan një rol të rëndësishëm në akumulimin e yndyrës.

A Janë Femrat Më Të Mbrojtura Nga Mbipesha?
Sistemi riprodhues i një gruaje është burimi kryesor i estradiolit, një lloj estrogjeni i pranishëm në trupin e një gruaje përpara menopauzës. Studimi zbuloi se femrat shtojnë më pak në peshë se burrat prej estrogjenit, por jo vetëm. Organizmi i femrës është më i mbrojtur nga mbipesha prej edhe disa faktorëve të tjerë.

Pasojat E Mbipeshës Tek Organizmi I Grave Dhe Burrave
Konsumi i lartë i ushqimeve me yndyrë nxit formimin e një sërë patologjive ku përfshihet diabeti i tipit 2 apo ndjeshmëria ndaj insulinës. Pasojat e shëndosjes tek burrat janë të mëdha. Si fillim meshkujt obezë kanë ulje të nivelit të testosteronit, energjisë dhe forcës. Femrat mbipeshë hasin shumë vështirësi në ciklin menstrual, ovulim dhe në riprodhim.

Trupat Me Formë Dardhe Dhe Inflamacioni I Trurit
Mbrojtja nga dëmet e këqija të mbipeshës i atribuohet edhe formës trupore të një gruaje dhe shpërndarjes së dhjamit. Tek meshkujt, dhjami shpërndahet përreth organeve. Tek femrat, ai depozitohet më shumë nën lëkurë, thonë ekspertët. Në rastin e femrave, dhjami depozitohet përreth ijeve duke i dhënë trupit formën e dardhës.

Tek burrat, dhjami depozitohet përreth barkut, duke i dhënë trupit formën e mollës. Dhjamosja rrit inflamacionin në organet e brendshme dhe aktivizon disa qeliza imunitare që kapërcejnë pengesën natyrale mes gjakut dhe trurit, duke prekur funksionet e tij. Truri është një organ i cili mund të thuash që ka imunitet ndaj disa problemeve, por kur inflamacioni arrin tek truri mund të shkaktojë probleme nervore.

Rënia në peshë është një mision i vështirë por jo i pamundur
Ajo arrihet jo nëpërmjet regjimeve drastike por nëpërmjet ushqimeve të shëndetshme që djegin yndyrnat. Më poshtë do të gjeni listën me ushqimet e duhura që do t’ju ndihmojnë për një trup në formë. Këto ushqime janë: Kosi, kanella (mund të përdoret si çaj), specat djegës, çaji jeshil, qitro, shalqini, dardhët dhe mollët, frutat e pyllit, perimet e freskëta, perimet e freskëta, patatja e ëmbël, veza, kafeja, sallata, uthulla e mollës, arrorët, mishi i pulës, peshku./AgroWeb

Denonco

Keni informacion në interes të publikut? Dërgojeni në Shqip duke klikuar këtu.

Poll

Zgjedhje 2021

Ndiqni të gjitha lajmet e fundit
në rrjetet tona shoqërore