Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Ndryshe

Mitropolia e Korçës rikthen Katedralen e vjetër të qytetit (FOTO)

E Martë 29 Dhjetor 2020, 15:01 Gazeta Shqip

Mitropolia e Korçës rikthen Katedralen e vjetër të qytetit

Kisha "Burimi Jetëdhënës" apo e njohur ndryshe si Katedralja e Korçës, një prej ndërtesave më të vjetra në këtij qyteti, pritet që së shpejti të rikthehet në identitet.

Kjo ndërtesë, e cila prej shekujsh ka qënë simboli i besimit ortodoks jo vetëm për qytetin e Korçës, por për komunitetin e krishterë, ishte kthyer në muzeun e artit mesjetar në kohën e diktaturës.

Mitropolia e Korçës rikthen Katedralen e vjetër të qytetit

Me fondet e siguruara nga Mitropoliti i Korçës, Hirësi Joani, si dhe nga ndihmat e besimtarëve, ka nisur rikthimi në identitet i kësaj godine. Së shpejti pritet që të përfundojnë punimet duke i rikthyer jo vetëm Korçës, por edhe vendit, një nga tempujt më të rëndësishme të besimit fetar.

Kjo kishë e ndërtuar më 1720, përfshinte një asamble godinash që administroheshin nga Kisha si shkolla, kolegje apo dhe institucione bamirësie.

Mitropolia e Korçës rikthen Katedralen e vjetër të qytetit

Në vitin 1924 Kisha ‘Burimi Jetëdhënës’ iu nënshtrua një rikonstruksioni të plotë, por në kohën e diktaturës kjo godinë shërbeu si muze për shumë dekada.

Kjo katedrale , një objekt kulti madhështor i ndërtuar në fillim të shekullit të XVIII, ishte një nga kishat më të rëndësishme të vendit por edhe më gjerë.

Mitropolia e Korçës rikthen Katedralen e vjetër të qytetit

Edhe pse ndërtimi i kësaj kishe, kërkon fonde të mëdha, investimet po sigurohen nga vetë Mitropolia e Korçës dhe donacionet e besimtarëve.

Mitropolia e Korçës rikthen Katedralen e vjetër të qytetit

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore