Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Interesi Publik

Maska ju lë pa oksigjen? Çfarë thonë ekspertët dhe sa të sigurta janë?

Maska ju lë pa oksigjen? Çfarë thonë ekspertët dhe sa

“Maskat mund të rrisnin rrezikun e kapjes së Covid-19, ato shtypin sistemin imunitar, ato mund të shtojnë presion në gjakun tuaj, maska mund t’ju lërë pa oksigjen”. Këto janë disa nga pretendimet e shpërndara në rrjetet sociale, për sa i përket përdorimit të maskës. E një gjë e tillë ka filluar që të bëhet alarmante.

Mediat e huaja shkruajnë se këto spekulimi nuk janë të habitshme, pas shqetësimeve që maska të jetë e detyrueshme në transportin publik, ndërsa disa po kërkojnë që të njëjtat rregulla të zbatohen në dyqane.

Pas studimit që tregon se maskat zvogëlojnë rrezikun e transmetimit të Covid-19, profesor Venki Ramakrishnan, sugjeroi që mosbesimi i këtij rregulli është po aq anti-social, si konsumi i pijeve alkoolike gjatë vozitjes apo edhe vënia e rripit të sigurisë në veturë.

“Nëse të gjithë i bartim maskat, mund të mbrojmë vetveten”, thotë ai. Mirëpo, skepticizmi publik qëndron ende. A ka ndonjë provë që bartja e maskës të jetë e dëmshme? Dhe a ekziston rreziku tek njerëzit që mund të kenë probleme me frymëmarrje?

Pretendimet apo kauzat për mos-bartjen e maskës janë të lidhura disa me grupe të krishtera të ekstremit të djathtë në SHBA, të cilët refuzojnë t’i bartin ato, madje ata kanë organizuar protesta për “të drejtën e tyre për të marrë frymë”.

Maskat N95 barten zakonisht nga kirurgë gjatë operacioneve, ndërsa ato gjenerojnë sasi të mëdha të grimcave të ajrit.

Spekulimet e tjera që lidhen me hipoksinë, ose zvogëlimin e konsumit të oksigjenit. Një studim thotë se mbajtja e këtyre maskave mund të zvogëlojë nivelet e oksigjenit, mirëpo kjo nuk shkaktohet nga bartja normale e maskave.

Organizata Botërore e Shëndetësisë, thotë se maskat të cilat mundësojnë lehtë frymëmarrjen e njeriut nuk shkaktojnë në probleme shëndetësore.

Një tjetër pretendim që qarkulloi në mediat sociale ishte se mbajtja e një maske mund t’ju infektojë me coronavirus. Mirëpo, epidemiologu Keith Neal nga Universiteti i Nottingham, thotë se kjo është e pakuptimtë.

 “Maska ju mbron nga infektimi, nuk mund të sëmureni nëse veçse jeni prekur nga virusi”, thotë ai.

Sidoqoftë, një tjetër ekspert paralajmëron se është e rëndësishme që të pastroni maskën dhe ta përdorni vetëm një herë nëse maska është kirurgjikale.

“Grimcat mund të bllokohen në maskën e fytyrës, dhe mund të përhapet tek dikush tjetër nëse e bartni atë”, shton eksperti.

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore