Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Ndryshe

Kërkon të çmitizojë konceptin e vdekjes, ju prezantojmë me muzeun e Ferrit!

Kërkon të çmitizojë konceptin e vdekjes, ju

Haw Par Villa në Singapor është një muze i madh me skulptura, vendkalime të gjelbëruara dhe ekspozita që fokusohen te besimet budiste. Por ka pasur një pjesë të këtij kompleksi, që çdo vizitor kërkonte ta shihte dhe ajo është “10 The courts of hell”. Për breza me radhë, fëmijë të moshës 6-vjeçare dërgoheshin në këtë muze dhe ajo që mbetej në mendjen e tyre ishte galeria ku përshkruhej koncepti budist i jetës pas vdekjes.

Sipas këtij perceptimi, njerëzit gjykohen për veprimet e tyre në Tokë dhe më pas dënohen me rilindje në një formë tjetër, qoftë si kafshë apo si një njeri tjetër. Skulpturat dhe grafikat paraqesin ndëshkimet e mundshme në jetën e përtejme, si trupa me plagë të rënda, koka të prera dhe demonë që gostiten me organet e njerëzve.

Kërkon të çmitizojë konceptin e vdekjes, ju

Gati tetë dekada më vonë, Muzeu i Ferrit u zhvendos nga kompleksi ku bënte pjesë më parë, për t’u hapur si një muze më vete. Muzeu i ri ndërthur elemente nga kultura të ndryshme. Komunitetit meksikan në Singapor iu kërkua të krijonte një altar tradicional të Dia De Los Muertos (Dita e të Vdekurve). Historiani Jeya Ayaduria tha se:

Sa herë që flisnin për Haw Par Villa, njerëzit thjesht donin të diskutonin për 10 Gjykatat, për këtë u vendos t’i dedikohej një muze më vete. Ne donim të hiqnim tabunë e vdekjes dhe gjithashtu t’i shihnim pa frikë 10 Gjykatat.

Kërkon të çmitizojë konceptin e vdekjes, ju

Muzeu i ri kërkon të çmitizojë konceptin e vdekjes dhe asaj çka ndodh më pas, duke i dhënë përshkrimet me humor. Për shembull në një nga grafikat shkruhet:

Ju lutemi, vini re! Kafshët shtëpiake nuk lejohen në kompleksin e Muzeut të Ferrit, për të mbajtur ekspozitat tona të sigurta. Gjithsesi, të gjitha kafshët shtëpiake shkojnë në parajsë!

Kërkon të çmitizojë konceptin e vdekjes, ju

Synimi i Muzeut, sipas stafit menaxhues, është t’u mësojë njerëzve sesi besimet e ndryshme i shohin temat si jeta dhe vdekja, por duke mbetur një vend argëtues për t’u vizituar. Deri më tani, duket se po funksionon, pasi Muzeu i Ferrit renditet si atraksioni i 11-të turistik në Singapor. /TAR/

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore