Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Ndryshe

Fshati me 29 vetë, lind mes Covid-it foshnja e parë në 8 vjet

Fshati me 29 vetë, lind mes Covid-it foshnja e parë në 8 vjet

Banorët e fshatit më të vogël të Italisë po festojnë ardhjen në jetë të një banori të ri – Denisit, foshnja e parë që ka lindur atje në tetë vjet.

Me lindjen e vogëlushit, popullsia e Morterone, një komunitet malor në Lombardi, u rrit duke shkuar në 29 vetë.

“Ky është vërtet një moment kremtimi për të gjithë komunitetin”, tha për Corriere della Sera kryetarja e komunës së Morterones, Antonella Invernizzi. Prindërit e Denisit, Matteo dhe Sara, ndoqën traditën italiane të njoftimit të lindjes së fëmijës, duke vendosur një shirit - blu në derën e shtëpisë, e duke treguar kështu njëkohësisht se ishte djalë.

Hera e fundit që në fshat ishte parë një shirit i tillë ishte në 2012-n, kur lindi një foshnje vajzë. Sara rrëfeu sesi ishte shtatzënia e saj në kohë pandemie, kur koronavirusi goditi rëndë të gjithë rajonin e Lombardisë, por kurseu Morteronen, banorët e të cilit megjithatë u treguan të kujdesshëm. 

“Nuk është e lehtë të presësh në fëmijë në kohë të tilla. Nuk del dot lirisht nga shtëpia e nuk ke mundësi të vizitosh të afërmit”, tha ajo. Ardhja në jetë e Denisit vjen në kohën kur vendi shënoi për 2019-n 420.170 foshnje të lindura- niveli më i ulët ky i lindshmërisë atje që nga fillimi i regjistrimeve në 1861.

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore