Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Ndryshe

Faktorët që e shkaktojnë enjten e duarve, çfarë duhet të bëni

Faktorët që e shkaktojnë enjten e duarve, çfarë duhet

Ka shumë raste kur përballeni me enjten e shpejtë të duarve, që ndikon jo vetëm në paraqitjen e jashtme por edhe në shëndet. Enjtja e duarve ndodh si pasojë e akumulimit të lëngjeve në inde.

Kjo ndodh nga faktorë të ndryshëm, siç është ndryshimi i temperaturës. Megjithatë, sipas të dhënave enjtja e duarve mund të jetë simptomë e ndonjë problemi të fshehur shëndetësor.

Enjtja e Duarve Në Mëngjes

Duart duken më të enjtura në mëngjes sepse qëndrimi shtrirë gjatë natës mund të nxisë akumulimin e lëngjeve në duar. Ekspertët këshillojnë që t’i vini duart në lëvizje, t’i shtendosni e t’i lëvizni deri sa duart të kthehen në gjendjen e mëparshme.

Enjtja e Duarve Si Pasojë e Motit

Duart enjten më shumë në mot të nxehtë. Kjo ndodh sepse enët e gjakut zgjerohen në përpjekje për të mundësuar qarkullimin më të shpejtë të gjakut në lëkurë për ta mbajtur atë të freskët. Në këtë rast, ekspertët këshillojnë që t’i fusni duart dhe kyçet në ujë të ftohtë dhe ato do të shfryhen menjëherë.

Aktiviteti fizik dhe Shtatzënia

Përdorimi i duarve gjatë aktivitetit fizik mund të shkaktojë enjte të tyre. Kjo ndodh sepse gjatë aktivitetit fizik trupi nxehet. Ndërkohë gjatë shtatzënisë, enjtja e këmbëve dhe duarve është një simptomë shumë e zakonshme. Gratë rekomandohen të veshin rroba të lehta, të kryejnë aktivitet të lehtë fizik dhe të mos rrinë gjatë në këmbë.

Kripa

Konsumi i tepruar i kripës mund t’i shtyjë qelizat të përthithin sa më shumë lëngje, gjë që nxit enjten e duarve. Ekspertët rekomandojnë konsumin e pakët të kripës, sepse kjo e fundit mund të rrisë tensionin e lartë të gjakut, sëmundjet e veshkave dhe atakun në zemër.

Artriti

Enjtja e gjymtyrëve është një nga simptomat më të përhapura të artritit. Në rastin e kësaj sëmundjeje, duart janë të enjtura dhe të ngurta për një orë në mëngjes. Ka raste që enjtja zgjat më shumë se tre ditë ose më shumë se tre herë në muaj. AgroWeb.org rekomandon konsultën me mjekun në rast se enjtet zgjasin dhe kanë dhimbje./AgroWeb

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore