Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Ndryshe

E pazakontë/ Risia nga ishujt Maldive: Ndërtohet qyteti i parë lundrues, ja projekti

E Hënë 27 Qershor 2022, 10:43 Gazeta Shqip

E pazakontë/ Risia nga ishujt Maldive: Ndërtohet qyteti i parë

Të shumtë janë filmat që e kanë portretizuar një qytet lundrues, por asnjëherë kjo ide nuk është bërë realitet.

Megjithatë, duket se një qytet i tillë do të ngrihet tashëm në oqeanin Indian. Në një lagunë vetëm 10 metra me varkë larg Maltes, kryeqytetit të ishujve Maldive, do të ndërtohet qyteti lundrues, me kapacitet për të strehuar 20,000 njerëz.

I projektuar me një model të ngjashëm me trurin e njeriut,  qyteti do të përbëhet nga 5000 njësi lundruese duke përfshirë shtëpi, restorante, dyqane dhe shkolla, me kanale që kalojnë në mes.

Njësitë e para do të zbulohen këtë muaj, ndërsa banorët do të fillojnë të zhvendosen aty në fillim të vitit 2024, megjithëse i gjithë qyteti do të përfundojë së ndërtuari në vitin 2027.

Projekti, një sipërmarrje e përbashkët midis zhvilluesit të pronave Dutch Docklands dhe Qeverisë së Maldiveve, nuk është menduar si një eksperiment apo si një vizion futurist. Ai po ndërtohet si një zgjidhje praktike për realitetin e ashpër të rritjes së nivelit të detit.

Një arkipelag me 1,190 ishuj të ulët, Maldivet janë një nga vendet më të cenueshme në botë ndaj ndryshimeve klimatike. 80 % e sipërfaqes së saj tokësore është më pak se një metër mbi nivelin e detit dhe me nivelet e parashikuara të rriten deri në një metër deri në fund të shekullit, pothuajse i gjithë vendi mund të zhytet në ujë.

Por nëse një qytet noton, ai mund të ngrihet me detin. Kjo është "shpresa e re" për më shumë se gjysmë milioni banorë të Maldiveve, tha Koen Olthuis, themeluesi i Waterstudio, firma e arkitekturës që projektoi qytetin.

"Kjo mund të dëshmojë se ka banesa të përballueshme, komunitete të mëdha dhe qytete normale në ujë që janë gjithashtu të sigurta. Ata (maldivianët) do të shkojnë nga refugjatët e klimës në novatorë të klimës," tha ai për CNN.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore