A e dini sekretin e lumturisë së amerikanëve?! Të gjithë njëzëri shprehen se është…

E Premte 26 Maj 2023, 10:26 Gazeta Shqip

A e dini sekretin e lumturisë së amerikanëve?! Të

Gazeta amerikane “Wall Street Journal”, pyeti disa persona për sekretin e tyre të lumturisë. Sondazhi, i publikuar më 27 mars, ku morën pjesë 1019 të rritur amerikanë, shumica e tyre thanë se ishin pesimistë për ekonominë dhe të ardhmen. 32% e këtyre njerëzve deklaruan se ishin jo shumë të lumtur dhe 56% thanë se ishin të lumtur. Ndërsa, 12% e amerikanëve e përshkruan veten si shumë të lumtur.

Sipas përgjigjeve, pjesëmarrësit në radhë të parë deklarojnë se martesa i bën njerëzit të lumtur. 67% e të anketuarve më të lumtur thanë se martesa ishte shumë e rëndësishme. Gjëja e parë që doli në pah në përgjigjet e tjera ishte feja. Amerikanët e lumtur e përshkruajnë veten si besimtarë mesatarisht.

Dy të tretat e tyre raportuan se e përshkruanin veten si shumë ose mesatarisht besimtarë. Sipas amerikanëve, një tjetër pikë e zakonshme e të qenit shumë të lumtur është të jesh me shëndet të mirë fizik. Përveç kësaj, 44% e grupit më të lumtur janë 60 vjeç e lart. Ndërkaq, familja shqiptare është futur në krizë për shkak të rënies së ndjeshme të numrit të martesave dhe rritjes së numrit të divorceve. Sipas sociologëve papunësia e lartë në radhët e të rinjve me gati 20%, si dhe emigracioni i lartë i kësaj fashe të popullsisë ka sjellë që të rinjtë ta shtyjnë moshën e martesës.

Rikujtojmë, se të paktën 640 milionë vajza dhe gra në mbarë botën janë martuar në fëmijëri, ose 12 milionë vajza në vit sipas UNICEF. Përqindja e vajzave të reja të martuara në fëmijëri është ulur nga 21% në 19% që nga vlerësimet e fundit të publikuara pesë vjet më parë. Megjithatë, pavarësisht këtij progresi, reduktimi global do të duhet të jetë 20 herë më i shpejtë për të arritur Objektivin e Zhvillimit të Qëndrueshëm për t’i dhënë fund martesave të fëmijëve deri në vitin 2030. /Top Albania Radio/