A duhet t’i lani perimet dhe frutat me sodë buke? Eksperti ka një përgjigje

Drejtori i Institutit të Kimisë së Përgjithshme dhe Fizike në Beograd, Dr. Stevan Blagojevi?, tregon se si të lajmë më mirë ushqimet tona të preferuara dhe të largojmë pesticidet prej tyre.

Larja e frutave dhe perimeve para ngrënies është e nevojshme për të hequr papastërtitë, pesticidet dhe bakteret që mund të jenë të dëmshme për shëndetin tonë. Dhe ndërsa disa thjesht i lajnë lehtë me ujë, të tjerë vendosin t’i lajnë tërësisht, zakonisht me ndihmën e sodës së bukës.

Pyetja është nëse është vërtet e nevojshme dhe si ndikon në ushqimet tona të preferuara.

Blagojeviq shpjegoi nëse e gjithë kjo është e nevojshme për të mbrojtur veten.

“Është një mënyrë që shumohet, por nuk është e nevojshme. Mjafton të lani luleshtrydhet në ujë, si dhe frutat e tjera. Soda e bukës ndryshon pH, ndoshta do të ndryshojë pak ngjyrën dhe shijen”, shpjegon Dr. Blagojeviq.

Kur u pyet nëse soda e bukës largon edhe pesticidet nga frutat, mjeku ishte i qartë:

“Jo. Soda e bukës ndikon vetëm në ndryshimin e PH, nuk ndikon tepër në tretshmërinë dhe as nuk e largon yndyrën. Është një histori që dikush e ka postuar dhe nuk e ka kontrolluar fare”, shpjegon drejtori i Institutit të Kimisë së Përgjithshme dhe Fizike.

Siç thekson mjeku, shumica e frutave dhe perimeve spërkaten në disa cikle me përqendrime të vogla pesticidesh. Ai shton se çdo gjë që i duket bukur syrit, spinaqi apo qepa e pranverës, përmban pesticide dhe mbrohet prej tyre. Kur bëhet fjalë për ushqimin që spërkatet më së shumti, doktor Blagojeviq thekson se janë mollët.

“Nëse lahen mirë hiqen pesticidet. Mjafton të lani ushqimin me ujë të vakët për 10-15 minuta”, këshillon dr.Bllagojeviq.