Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Mendimi im

“Zona gri” janë më të vendosurit

“Zona gri” janë më të vendosurit

Shume kush thotë se janë të pavendosur, me arsyetimin se nuk kanë vendosur cilën parti të votojnë ditën e votimeve. Them parti, se në historinë e tranzicionit shqiptar, nuk ka ndodhur që ndonjë individ (përveç kryetarit) të jetë më dominant sesa partia ku aderon. Kështu Kryetari dhe Partia janë një, jo për shkak të ideologjisë, por për shkak të trashëgimisë nga e kaluara.

Bëhet fjalë për zonën gri të elektoratit, që në fakt, jo vetëm që nuk janë më të pavendosurit, por janë më të vendosurit për të refuzuar deri në fund, poshtërsinë që e ka përfshire skenën politike shqiptare.

Brenda saj, ne varësi të brezave, ku nis me ndryshimin e sistemit, kemi votues që kanë votuar veç në fillim të demokracisë, e më pas, të zhgënjyer nga ajo që erdhi më pas, ku nuk kishte ndryshim, por transformim i sistemit politik shqiptar, nuk kanë votuar më. Hera-herës fajësojnë veten, që nuk e ç’rrënjosen të keqen me rrënjë. Sigurisht që s’qe faji i tyre, por kjo është temë tjetër.

Tjetër, përbëhet gjithashtu nga njerëz profesioniste, kryesisht në sektorin privat, që nuk i intereson fare se ç’ndodh me politikën, sikur mos të kishin ndonjë të afërm, mik a shok që është i përfshirë. Rutina personale dhe familjare i përfshin aq shumë, sa nuk kanë as kohë, as nge të merren, e jo më të japin votën.

Tjetër, mosha e re, që gjithashtu, nuk i intereson fare, janë shumë të zënë duke jetuar jetën (nëse do ishin në kohë normale), duke studiuar a punuar, indiferent, duhet të ketë një alternativë politike vërtet moderne t’u marre votën.

Dhe së fundmi, të zhgënjyerit e partive tradicionale, me të drejtë, që ç’të thuash në ç’ndërmarrje interesash klienteliste janë shndërruar.

Siç shihet, zona gri jo vetëm që nuk janë më të pavendosurit, por janë më të vendosurit e më të qartit, për të refuzuar të keqen dhe poshtërsinë, e jo me t’u japin votën, në këtë gjendje që janë katandisur, partitë tradicionale.

Nuk ka asnjë shans, në gjykimin tim, siç pretendojnë përfaqësues  nga PD-ra, LSi-ra, PS-ra apo ish-zyrtarë të dalë nga këto parti, që këta lloj votuesish, me shumë të drejte, t’u japin votën. Ta harrojnë këtë punë e të shkojnë në djall!

Denonco

Keni informacion në interes të publikut? Dërgojeni në Shqip duke klikuar këtu.

Poll

Zgjedhje 2021

Ndiqni të gjitha lajmet e fundit
në rrjetet tona shoqërore