Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Mendimi im

"Plehrat" dhe zgjedhjet

"Plehrat" dhe zgjedhjet

Ka ca kohë që ka zhurmuar një debat i fortë mbi atë që rëndom quhet "djegie e plehrave" në Shqipëri. Ne fakt, nuk janë plehra, por mbetje, që shqiptaret, ashtu si çdo popull tjetër në planet, krijojnë çdo ditë të jetës së tyre dhe që mund të jenë të ngurta, të rrezikshme, apo inerte (vetë Tirana krijon rreth 850 ton mbetje në ditë).

Dhe nuk bëhet më fjalë për djegie siç ndodhte deri para afro dy vitesh në Sharrë apo Porto Romano, por për incenerim me teknologjinë që aplikohet sot edhe në vendet e BE.

Tani, problemi nuk qëndron tek degradimi tekniko financiar i debatit se sa euro për ton kushton asgjësimi i mbetjeve, apo se sa inceneratorë duhen ndërtuar në vend ( në Sharre është ndërtuar park i madh  meqë ra fjala), sepse këto çështje mund të hetohen, të konsultohen dhe të standardizohen nga aktorë publikë dhe institucione e mekanizma shtetërore kompetente. Problemi qëndron se ky debat ka frymëzim të tmerrshëm politik, ku:

Maxhoranca që qeveris po aplikon incenerimin dhe riciklimin e mbetjeve me teknologjinë e sjellë nga vendet e BE dhe sipas praktikave atje, duke zhdukur në pak kohë malet me plehra të krijuara ndër vite, që digjeshin mizorisht në Sharrë, Porto Romano, etj.

"Plehrat" dhe zgjedhjet

Ndërsa opozita ka sulmuar egër qeverinë për këto praktika. Por opozita, kurrë, në asnje vend dhe në asnjë rast nuk shprehet se cila do jetë strategjia e saj anti mbetje, nëse vjen në pushtet. Por ajo është e detyruar t’u jape përgjigje pyetjeve:

1) A është ajo në favor të landfillimit( kapsulimit) nëntokë të mbetjeve?

2) A është ajo në favor të incenerimit dhe riciklimit të mbetjeve siç edhe po ngjet, dhe nëse jo, pse??

3) Do vazhdojë ajo të promovojë si politika integruese mjedisore evropiane fatkeqët që zhyten me kokë në kazanët e plehrave për të mbledhur kanoçet si deri tani?

E pra, “plehrat” nuk mund të mbeten peng i zgjedhjeve, pavarësisht kur mbahen dhe pavarësisht kush i fiton! Asgjësimi i tyre është çështje me rëndësi kombëtare përsa i përket shëndetit publik të popullatës, prandaj opozita është e detyruar t’u përgjigjet pyetjeve të mësipërme nëse mendon se do qeverisë vendin një ditë. Nëse opozitës i shijon vetëm pozita e tanishme, kjo është tjetër gjë....

"Plehrat" dhe zgjedhjet

Ndërkohë, dikush duhet t’i thotë opozitës se:

- Sipërfaqja e tokës akoma në dispozicion për landfille sa vjen e zvogëlohet, dhe se

- Sipas direktivave të BE, jo më shume se 10% e mbetjeve duhet të landfillohet!

Denonco

Keni informacion në interes të publikut? Dërgojeni në Shqip duke klikuar këtu.

Poll

Zgjedhje 2021

Ndiqni të gjitha lajmet e fundit
në rrjetet tona shoqërore