Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Mendimi im

Nderi lahet me nder! Basha i "dhuroi" Berishës grupin e vet parlamentar

E Martë 11 Janar 2022, 09:16 Artan Fuga

Nderi lahet me nder! Basha i "dhuroi" Berishës grupin e vet

Nderi lahet me nder! Pas dhunës dhe skenave të dhunës që u "dhuroi" shqiptarëve në televizion, dhe gjithë planetit, skenat e turpit ku nga të dy palët u kthye logjika barbare dhe primitive e ushtrimit të dhunës paramilitare ndaj kundërshtatit, çështjet u "zgjidhën" me vetëgjyqësi, trupi i deputetëve dhe i politikanëve u përdor si "dash" prej mishi për goditje, ose si mburojë prej mishi për të ruajtur kështjellën, reciprokisht, Partia Demokratike kaloi në një fazë të re.

Zoti Lulzim Basha i "dhuroi" mbrëmë vonë zoti Sali Berisha grupin e vet parlamentar në Kuvendin e Shqipërisë.

Duke përjashtuar "për jetë" një numër deputetësh tani këta nuk e kapërcejnë dot më "ylberin" dhe grupi i deputetëve në Kuvend rreth z. Sali Berisha u konsolidua plotësisht.
Të dy liderët u "rehatuan" pasi problem i para 9 shtatorit u zgjidh "me sukses". Basha "plotësoi" kërkesën amerikane për t'a hequr nga grupi deputet demokrat Berishën, dhe Berisha që sikundër theksonte kishte ikur tashmë, dhe mbetej i izoluar në Kuvend, tani ka të dhuruar grupin e ri parlamentar nga partia e tij dhe nga njeriu që e futi dhe kapapultoi në politikë.

Nga i përjashtuar nga grupi i deputetëve demokratë, z. Berisha rivjen po me "ndihmën" e partisë së tij dhe të drejtuesit të saj, me një grup të konsoliduar deputetësh në Kuvend.

Nderi lahet me nder! Ky ishte rezultati politik objektiv i ngjarjeve! E them pa pikë pasioni! Të dy palët e arritën qëllimin maksimal.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore