Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Mendimi im

Aurela Basha ka të drejtë që refuzon pasaportën dhe shtetësinë shqiptare!

Aurela Basha ka të drejtë që refuzon pasaportën dhe

Holanda ashtu si Gjermania, nuk lejon të drejtën e mbajtjes së dy shtetësive.
Me pak fjalë, një shqiptar që kërkon të jetë holandez, duhet ligjërisht të heqë dorë nga pasaporta kuqezi, si dhe nga shtetësia shqiptare.

Shumë shqiptarë që jetojnë prej vitesh në Holandë e kanë bërë këtë zgjedhje sepse kërkojnë që në karrierë apo biznes, të trajtohen të barabartë me shtetasit holandez.

Të gjithë ne, i mirëkuptojmë emigrantët shqiptarë që në kërkim të një pune apo jete më të mirë heqin dorë nga pasaporta shqiptare, pasi i kanë humbur shpresat në Shqipëri, pasi atdheu dhe shteti i tyre nuk i ka vlerësuar, madje u ka mbyllur derën.

Por lind pyetja pse Aurela Basha, që prej 20 vitesh ka braktisur Holandën dhe jeton në Shqipëri, nuk e lë pasaportën holandeze dhe të rimarrë shtetësinë shqiptare?

Aurela nuk është holandeze, por as norvegjeze autoktone si gruaja e Albin Kurtit, e cila me të drejtë, ruan origjinën e kombit të saj skandinav. Aurela është nga Tepelena 100% dhe s'ka aspak gjak holandez.

Gjithesi Aurela Basha ka disa arsye legjitime që refuzon të marrë pasaportë shqiptare sepse:

- ajo nuk ka besuar kurrë që Shqipëria bëhet dhe që mund të ndryshojë,
- ajo s’ka besuar kurrë që bashkëshorti i saj, do realizojë premtimet që jep në publik,
- sepse ajo s’ka ndërmend të votojë për Partinë e Sali Berishës, sepse ajo e di çfarë po heq burri i saj nga presioni i doktorit.
- ajo s’ka fare besim, që ajo do jetë një ditë First Lady e shqiptarëve, prandaj nuk i duhet shtetësia shqiptare.
- ajo nuk beson se burri i saj do bëhet kryeministër i shqiptarëve.
- ajo e mban ende një shteg të hapur për t'u rikthyer dikur në Holandë me fëmijët e saj, kur burri të japë dorëheqjen nga privilegjet e politikës.

Të gjitha këto po i them me etikë dhe transparencë sepse e njoh Aurelën nga afër personalisht, dhe ndryshe nga bashkëshorti i saj, unë e vlerësoj sepse ajo ka më shumë karakter dhe më shumë besë se ai. Padyshim, që ajo gëzon respekt më të madh se i shoqi.

Mirëkuptojeni Aurelën pse nuk merr shtetësinë shqiptare sepse ajo e di më mirë se ju, çfarë do ndodhë në Shqipëri.

Unë i jap shumë të drejtë Aurelës që e quan veten holandeze dhe refuzon pasaportën shqiptare, sepse edhe unë ashtu do të veproj, ditën kur të bindem se Shqipëria nuk bëhet.

Gjithsesi, uroj që ajo ditë për mua, mos ardhtë kurrë! Larg qoftë o Zot.....!

Gjithsesi, populli thotë: “kurrë mos thuaj kurrë”!

Kur refuzon shtetësinë shqiptare ajo që pretendon të jetë zonjë e parë e Shqipërisë, pse jo ne qytetarët e thjeshtë....

Denonco

Keni informacion në interes të publikut? Dërgojeni në Shqip duke klikuar këtu.

Poll

Zgjedhje 2021

Ndiqni të gjitha lajmet e fundit
në rrjetet tona shoqërore