Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Lifestyle

Prek 1 në 1 milion njerëz/ Gjithçka që duhet të dini rreth sëmundjes nga e cila vuan Celine Dion!

E Premte 9 Dhjetor 2022, 11:18 Gazeta Shqip

Prek 1 në 1 milion njerëz/ Gjithçka që duhet të dini

Këngëtarja e me famë botërore, Celine Dion, është diagnostikuar me sëmundjen e pashërueshme neurologjike SPS e cila bën që muskujt e saj të tensionohen në mënyrë të pakontrolluar.

Ndërsa nuk ka një kurë për SPS, ka trajtime dhe Celine ka treguar se po bën gjithçka që mundet për të minimizuar simptomat. 54-vjeçarja iu drejtua fansave të saj në një postim të përlotur në Instagram teksa zbuloi se kjo e ka detyruar të anulojë turneun e saj evropian.

Shkaktari i saktë i SPS nuk dihet. Sipas ekspertëve në Kolegjin Universitar në Londër, gjendja shkaktohet nga spazma të vazhdueshme dhe prek muskuj të ndryshëm kryesisht në gjymtyrët e poshtme.

Shumica e njerëzve që zhvillojnë këtë sëmundje mund të diagnostikohen nga mosha 40-60-vjeç. Aktualisht nuk ka asnjë kurë për SPS-në, e cila mund t’i lërë të sëmurët të paaftë për të ecur apo folur. Në shumicën e rasteve njerëzit me SPS i përgjigjen dozave të larta të diazepamit, i cili shpesh përdoret si ilaç kundër ankthit.

Përdorimi i analgjetikëve do t’i përmirësojë simptomat, por këto nuk do ta kurojnë çrregullimin. Simptomat e sindromës së personit të ngurtë mund të zgjasin nga disa muaj deri në disa vjet për t’u zhvilluar. Ashpërsia dhe përparimi i SPS gjithashtu mund të ndryshojnë nga një person në tjetrin.

Shenjat e para të gjendjes janë spazma me ndërprerje, të cilat më pas bëhen të vazhdueshme, megjithatë, ekspertët thonë se spazmat zakonisht nuk ndodhin gjatë gjumit. Personat me këtë sindromë janë më të ndjeshëm ndaj zhurmës, dritës dhe prekjes. Të tjera simptoma për t’u kujdesur janë dhimbja, spazma e rëndë dhe frymëmarrje e dëmtuar. /Top Albania Radio/

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore