Për 1 javë 8 mijë ndjekës më shumë/ Banorët e BB VIP më të spikatur në Instagram

Çdo ditë të premte gjithmonë ka një rubrikë në emisionin “Live From Tirana”, e cila quhet “Social Top 5”. Një rubrikë që sjell vëmendjen tek personazhet e famshëm, qofshin ata shqiptarë apo të huaj. Teksa të gjithë jemi gjithë sy e veshë se çfarë postojnë yjet në rrjete sociale, kjo ndikon dhe tek numri i tyre i ndjekësve në Instagram.

Por cilët janë personazhet që kanë spikatur në Instagram apo në media këtë javë? Me disa ndryshime të vogla nga java e kaluar, këta janë të famshmit e huaj dhe ata shqiptarë që kanë fituar më shumë ndjekës gjatë kësaj jave…

10. Një nga banorët më të rinj të shtëpisë së “BBV” është Lorenc Hasrama, një nga këngëtarët më të njohur, i cili nisi karrierën e tij të sukseshme në një nga edicionet e “The Voice of Albania”. Rrjeti menjëherë ka reaguar me hyrjen e tij, duke ideuar teoritë e tyre, por kjo ka qenë në avantazhin e tij, duke fituar 900 ndjekës të rinj.

9. Kiara Tito pas hapjes së kutinë së Pandorës, dasmës së realizuar dhe marrëdhënies së saj romantike të krijuar brenda shtëpisë, ka arritur të marrë shumë pëlqime nga publiku, duke fituar këtë javë 1 mijë ndjekës.

8. Krist Dragoti ka arritur të grumbullojë gjithashtu 1 mijë ndjekës në llogarinë e tij personale në Instagram.

7. Shtëpisë i janë shtuar 2 banorë të rinj. Banori i parë, i cili bëhet pjesë e shtëpisë është Gerti Koxha, i cili merret me modeling dhe hyn në BBV “për të rifreskuar atmosferën në shtëpi”. Këtë javë ai ka shtuar 1100 ndjekës në Instagram.

6. Dea Mishel Hoxha është përballur dy herë me Kutinë e Pandorës. Ajo ka vendosur ta hapi kutinë dhe e mira e saj ishte se do kishte mundësinë të takonte gjyshen e saj dhe e keqja për banorët ishte se duhet të zgjidhte mes Keisit dhe Armaldos, se kush prej tyre mund të kishte mundësinë të takonte gjyshen e tij dhe Dea zgjodhi Keisin. Këtë javë ajo ka grumbulluar 2 mijë ndjekës.

5. Banorja tjetër, e cila është futur së fundmi dhe në fakt na suprizoi me hyrjen e saj në shtëpinë më të famshme, është edhe Antoneta Koçi. Ajo ka fituar gjithashtu 2 mijë ndjekës këtë javë.

4. Krijimi i një marrëdhënie të re midis Krist Dragoti dhe këngëtares Keisi Medini ka ngjallë mjaft interes në sytë e publikut, ku kjo e fundit ka arritur të fitojë 3 mijë ndjekës.

3. Armaldo Kllogjeri, një nga protagonistët e BBV, duket se ende nuk është pozicionuar në një nga dy grupet dhe strategjia që është duke përdorur e ka trembur edhe vetë atë. Maestro ka arritur të fitojë 5 mijë ndjekës.

2. Një nga protagonistet kryesore të këtij spektakli është padyshim Olta Gixhari, e cila ka fituar 6 mijë ndjekës në Instagram.

1. Luiz Ejlli këtë javë nga 610 mijë ai ka shkuar 618 mijë, duke fituar plot 8 mijë ndjekës të rinj në Instagram. /Top Albania Radio/