“Mos të ka ikur mendja?”/ Ish-burri poston videon ku Britney Spears debaton me 2 djemtë: Gënjeshtrat duhet të ndalen

Prej disa ditësh është në qendër të vëmendjes marrëdhënia e Britney Spears me dy djemtë e saj nga martesa e parë. Ish-bashkëshorti i këngëtares së famshme, Kevin Federline, ka postuar së fundi disa video të vjetra ku shfaq atë duke debatuar me dy djemtë.

Në videot e publikuara në “Instagram”, Spears shfaqet teksa qorton Sean dhe Jayden. Ndërkohë K-Fed, i cili ka qenë i martuar me Britney nga viti 2004 deri në 2007, ka shkruar bashkëngjitur me videot në fjalë:

“Nuk mund të rri duarkryq dhe të lejoj që djemtë e mi të akuzohen në këtë mënyrë pas asaj që kanë kaluar. Sado që na dhemb, vendosëm si familje t’i postonim këto video”.

Federline ka shtuar se djemtë e tyre ishin 11 dhe 12 vjeç në kohën kur u realizuan videot. “Kjo nuk është as më e keqja,” vazhdoi ai, :“Gënjeshtrat duhet të ndalen. Shpresoj që fëmijët tanë të rriten për të qenë më të mirë se kaq”.

Vendimi i ish-bashkëshortit të Spears për të ndarë videot në internet shkaktoi zemërim në kampin e Britney-t. Një person pranë saj i tha ‘Page Six’: “Kjo është e tmerrshme, Kevin është e neveritshme. Ai po i armatos fëmijët duke publikuar videot. Por në këto klipe, Britney thjesht po sillet si një nënë”.

Në videon e parë, Spears duket se nuk është në dijeni se po filmohet nga një prej djemve të saj teksa hynte në dhomën e tyre të gjumit. “Kjo është shtëpia ime”, u thotë ajo në klip. “Nëse dua të hyj këtu dhe të të jap locion për fytyrën tënde sepse është e vrazhdë, do hyjë … më mirë të fillosh të më respektosh, a jemi të qartë? Të gjithë duhet të filloni të më trajtoni si një grua me vlerë,” vazhdoi ajo, duke shtuar, “Unë jam një grua, mirë, tregohuni të mirë me mua, a e kuptoni?”

Ndërkohë klipi i dytë, gjithashtu i marrë në dukje pa dijeninë e këngëtares, e tregon atë në një moment që dyshohet se bërtiste: “Mos të ka ikur mendja?” teksa ishte ulur në sediljen e pasagjerit të makinës.

Këngëtarja dukej e mërzitur me djalin e saj Sean pasi ai ishte brenda një dyqani pa veshur këpucë. Si ndëshkim, ajo i tha se po i hiqte telefonin. “Jam e tronditur kur jam me ju dhe nuk di çfarë të bëj,” dyshohet se tha Spears.

“Dhe unë kam frikë nga ty sepse je i çuditshëm sepse po kalon pubertetin. Dhe nuk di çfarë të them. Por më intereson më shumë se sa ti mund ta imagjinosh.” Vetëm një orë para postimit të K-Fed, Spears ndau një mesazh në “Instagram”-in e saj së bashku me një tabelë të animuar shahu.

“Kam qenë mama kaq e sigurt !!!”, shkroi ajo të mërkurën mbrëma. “Ka qenë një kohë e gjatë për mua!!! A është disi bukur këtu ??? Loja e famshme e shahut shkon: Shah-mat!!!”

Kujtojmë se vetëm disa orë më parë, këngëtarja deklaroi se djemtë e saj kanë treguar urrejtje në sjelljen e tyre gjatë vizitave në shtëpinë e saj. “Disa janë të vrazhdë, pastaj disa tregojnë urrejtje. Ata më vizitonin, hynin në derë, shkonin direkt në dhomën e tyre dhe mbyllnin derën !!! Dhe them me vete pse më vizitojnë nëse ata as nuk më takojnë!!!”.