Me dajën dhe motrën në tavolinë, Derhemi lajmëron rikthimin e “Njerëz dhe Fate”? Aktori: Është ok…

Përgatitjet duket se kanë filluar seriozisht për serialin shqiptar dramatik më të suksesshëm shqiptar “Njerëz dhe Fate”!

Aktori Arben Derhemi në një postim në rrjetin e tij social “Instagram” ka postuar një foto në një tryezë së bashku me dy aktorët protagonistë të serialit, Eni Jani dhe Alfred Trebicka.

“Gjithçka është ok… përgatitjet vazhdojnë…”, ka shkruar Derhemi në post, ndërkohë që e shoqëron së bashku me tre “emoji”.

Kujtojmë vetëm pak kohë më parë, Derhemi postoi edhe një postim ku shfaqej në krah të aktorit Robert Ndrenika, ku në Serialin “Njerëz dhe Fate”, luanin në personazh si babë e bir.

 “Sot e deklaroj rifillimin e serialit... “Njerëz dhe fate”… Është gati”, shkruante Derhemi në post.

Seriali “Njerëz dhe Fate” do të ishte një nga serialet më të suksesshëm në Shqipëri, me një kast të mrekullueshëm aktorës, si Robert Ndrenika, Pavlina Mani, Arben Derhemi, Eni Jani, Valbona Imami, Arta Muçaj, Gëzim Rudi, etj.

Regjisori Ylli Pepo, kur e nisi këtë serial, nuk e dinte se ai do të kishte aq sukses, ndaj dhe Ruzhdi Pulaha u ul sërish në tryezën e punës dhe shkroi dhjetë seri të reja. Asokohe u fol në media se “Njerëz dhe Fate” nuk do të kishte vetëm 20 seri, por edhe dy episode të tjerë, që deri tani duket se kanë mbetur ëndërr në sirtar.