Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Lifestyle

FOTO/ Historia e jashtëzakonshme e dashurisë, u ndanë në adoleshencë, martohen pas 70 vitesh

FOTO/ Historia e jashtëzakonshme e dashurisë, u ndanë në

Një çift të cilët u ndanë në adoleshencë dhe për më shumë se shtatë dekada nuk u panë – janë ribashkuar gjatë pandemisë së coronavirusit dhe tani po martohen, shkruan CNN.

Historia e dashurisë së tyre daton 68 vite më parë, kur Fred Paul dhe Florence Harvey u takuan për herë të parë.

Dyshja u takuan kur ishin adoleshentë në Wandsworth, qytet i vogël në Newfoundland të Kanadasë. Ata kaluan çdo moment pranë njëri-tjetrit, nga ecjet pas meshës, e deri te vjedhja e puthjeve në orët e mësimit.

Çdo natë gjatë lidhjes së tyre dyvjeçare, Paul ndizte baterinë e dorës për t’i shkuar pranë shtratit për t’i thënë natën e mirë.

“Ishte dashuria ime e parë. E dashura ime e parë dhe dashuria ime e vërtetë”, ka thënë Paul tani 84-vjeç i cili gjatë një interviste dhënë për CNN tregoi detaje të lidhjes së tyre.

FOTO/ Historia e jashtëzakonshme e dashurisë, u ndanë në

Por kur Paul mbushi 18 vjet, e Harvey ishte 15, dyshja ndanë rrugët. Paul u zhvendos në Toronto për të vazhduar me punë, e një vit më vonë, kur u rikthye për të, Harvey tashmë ishte larguar në një qytet tjetër.

Fati deshi që ata të mos takohen dhe të martohen me persona tjerë dhe të krijojnë familje. Por, gjithçka ndryshoi në vitin 2017, kur Harvey mbeti sërish beqare, pasi bashkëshorti Len ndërroi jetë nga kanceri.

Dyshja ishin të lumtur gjatë martesës së tyre prej 57 viteve dhe kanë pesë fëmijë së bashku. Dy vite më vonë, gruaja e Paul, e cila ishte afro 60-vjeçe, gjithashtu ndërroi jetë pasi vuante nga sëmundje të ndryshme. Edhe ata kishin dy fëmijë dhe bënin jetë të lumtur.

Pikërisht humbjet që i përjetuan bënë që dyshja sërish të ribashkohen. Kur Harvey dëgjoi se gruaja e Paul ndërroi jetë, i telefonoi për t’i shprehur ngushëllime.

Gjatë bisedës së tyre të parë, që ndodhin në festën e Shën Valentinit, ata diskutuan për jetën e tyre larg njëri-tjetrit, fëmijët, nipat e mbesat.3 25

“Nuk mendoja se do të kthehesha kaq shumë pas. Filluam duke biseduar një apo dy herë në javë – për t’i shpeshtuar më vonë në disa orë në ditë. Vërtetë kemi qenë të lidhur pavarësisht që nuk jemi parë më për shumë vite”, ka thënë 81-vjeçari Harvey.

Në korrik kur po festonte ditëlindjen, Harvery befasoi Paul me një vizitë në Toronto – ku edhe patën rastin që më në fund të ribashkohen.

Nuk ju deshën më shumë se tri ditë pas ribashkimit që dyshja të martohen. Familjarët e tyre janë skeptikë për ribashkimin e tyre të shpejtë, por Paul dhe Harvey nuk kanë dyshim se duan të kalojnë pjesën tjetër të jetës pranë njëri-tjetrit.

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore