Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Lifestyle

“Edhe sa të tjera?”/ Gazetarja e njohur reagon për vrasjen e 23-vjeçares nga ish-bashkëshorti: A mund t’i mësojmë këta palo burra injorantë...

“Edhe sa të tjera?”/ Gazetarja e njohur reagon për vrasjen

Gazetarja  njohur, Aulona Musta ka reaguar në lidhje me vrasjen e 23-vjeçares, Sabrina Bengaj. Kjo e fundit mbeti e vrarë mbrëmjen e djeshme nga duart e ish-bashkëshortit të saj, Elton Meta. Policia ka bërë të ditur se e reja është ekzekutuar në banesën e prindërve të saj, duke lënë pas një vajzë të mitur.

Në postim e gjatë në profilin e saj në “Instagram”, Aulona ngre pyetjen “edhe sa të tjera?”.

“Mburremi se qeveria e re është e përbërë kryesisht nga gra! Po a do bëjmë ndonjë gjë ato të uruara ministre e deputete të gjinisë femërore, për vajzat dhe gratë e dhunuara, kërcënuara, poshtëruara sistematikisht në këtë vend?”, shkruan ndër të tjera gazetarja e njohur.

“Edhe sa të tjera?”/ Gazetarja e njohur reagon për vrasjen

Postimi i plotë i Aulona Mustës:  

Edhe sa te tjera?

Une e di qe nje postim ne instagram nuk do ndryshoje asgje, por une nuk mund te rrij dot e heshtur dhe nuk duhet te rrish as ti!

Nje tjeter jete gruaje, nene, te reje ne lule te moshe ju mor jeta padrejtesisht, mizorisht! Ku ta gjej kurajon une dhe shume te tjera si une t’i thone vajzave dhe grave ndahuni nga partneri/i fejuari/bashkeshorti nese jeni te palumtura, nese ushtrojne dhune, kur kjo ndarje mund te rezultoje fatale? Kur ketu nuk te mbron askush? Kur ketu burri te konsideron prone tende edhe 20 vjet pasi je ndare dhe mund te vije te te vrasi se ashtu ja shkrepi ne koke!

Kush do ta mbaje pergjegjesine qe ky individ i denuar vetem nje vit me pare per kanosje, rrembim te anetareve te familjes se viktimes, u la i lire, pa asnje kontroll, te afrohej prane viktimes?

Ah, po, na falni se jemi shume te zene me Lulin dhe Berishen keto dite, s’kemi nge per ngjarje te tilla te vogla. Fundja jeta e nje vajze nga fshati humbi. Pune e madhe fort!

Mburremi se qeveria e re eshte e perbere kryesisht nga gra! Po a do bejne ndonje gje ato te uruara ministre e deputete te gjinise femerore, per vajzat dhe grate e dhunuara, kercenuara, poshteruara sistematikisht ne kete vend?

A do t’i mesojme keta palo burra te frustruara, injorant, impotent qe gruaja nuk eshte prone e askujt dhe nese do te ndahet KA GJITHE TE DREJTEN E BOTES TE NDAHET!

A do t’i mbrojme vajzat dhe grate ne kete vend, apo siguria dhe jeta e tyre nuk do jete asnjehere aq e rendesishme sa per t’u bere pjese serioze e axhendes se kryeministrit, ministreve apo deputeteve te ketij parlamenti ku bien kambanat per gjithcka, vetem per krimin ne familje s’kane rene asnjehere aq seriozisht!

Sabrina e bukur dhe guximtare, qe gjeti kurajon te largohet nga nje martese qe nuk e donte me, u vra.

Po sa Sabrina te tjera ka qe presin radhen?

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore