Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Lifestyle

Dani Alves në burg për abuzim seksual/ Gruaja i del në mbrojtje: Femrat e ngacmonin në praninë time

E Shtunë 21 Janar 2023, 10:48 Gazeta Shqip

Dani Alves në burg për abuzim seksual/ Gruaja i del në mbrojtje:

Një nga lojtarët më të mirë të dekadës së fundit, Dani Alves, është arrestuar ditën e djeshme nën akuzën e ngacmimit seksual në një klub nate në Barcelonë më 30 dhjetor të vitit të shkuar.

Ai është akuzuar nga një vajzë 23-vjeçare, teksa partnerja e ish-futbollistit të Barcelonës, supermodelja Joana Sanz, ka folur në lidhje me këtë temë, duke mbrojtur bashkëshortin e saj.

Ajo tregon se edhe kur Alves i është afruar asaj për herë të parë, e ka bërë me shumë mirësjellje. Ajo shkon edhe më tej kur shprehet se ka shumë gra që e ngacmojnë vetë të dashurin e saj, duke lënë të kuptojë se ai nuk ka përse të përdhunojë dikë.

“Unë e njoh burrin tim. E di sa i respektueshëm është. Edhe kur më njohu, nuk më tregoi mungesë respekti. E kam parë shumë herë sesi gra mjaft të guximshme i afrohen burrit tim në zonën VIP, duke u përpjekur ta joshin para syve të mi”, tha Sanz për “AS”.

Ndërkohë, Dani Alves nga dje është lojtar i lirë. Klubi i tij, Pumas, ku kishte firmosur para disa muajsh në Meksikë, i ka ndërprerë kontratën në mënyrë të njëanshme brazilianit, pas akuzave për ngacmim seksual dhe arrestimit të tij.

Dani Alves u dërgua në burgun Centro Penitenciario Brians 1 në Barcelonë këtë mbrëmje, teksa i shpejtë ka qenë reagimi i mediave, që tregojnë ambientet ku është dërguar mbrojtësi i djathtë, që mban rekordin si lojtari me më shumë trofe në historinë e futbollit.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore