Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Kryesoret

Itali/ Shqiptarët “tregtar” kokaine, dy në pranga. Ja ku e fshihnin “mallin” (EMRAT)

Në Itali vijojnë arrestimet e shqiptarëve që janë përfshirë në trafikun e drogës. Mediat italiane raportojnë sot se një 41-vjeçar nga Lushnja u arrestua pas kontrollit në stacionin e autobusave në Siçili pasi u kap duke transportuar 600 gr kokainë të pastër.

I arrestuari është Arben Qosja. Ai gjendej në stacion së bashku me disa shqiptarë të tjerë, të cilëve iu kërkua që të tregonin dokumentet dhe bagazhet.

41-vjeçarit shqiptar gjatë kontrollit iu gjet një zarf, i cili përmbante sasinë e drogës. Duke marrë parasysh pastërtinë e kokainës, vlera e saj në treg do të ishte mbi 50,000 euro.

Përveç lushnjarit, një tjetër shqiptar është arrestuar në Itali, në zonën e Maranelos me 3 kg kokainë.

Valentin Tuku, 37 vjeç jetonte me dokumente të rregullta në zonën e Maranelos, por ishte nën survejim nga policia për shkak të dyshimeve që kishin lindur për përfshirjen e tij në shitjen e narkotikëve.

Pas mbledhjes së provave, hetuesit kontrolluan banesën e Tukut dhe në një çantë shpine gjetën një pako me kokainë 1 kg, ndërsa në garazh u gjetën dy të tjera.

Ato ishin fshehur poshtë shalës së motorit, të ngjashme me ato që u gjetën disa minuta më parë. Vlera e kokainës në treg shkonte 600 mijë euro.

Valentin Tuku është arrestuar në kushtet e flagrancës dhe ndodhet në burg, deri në pritje të gjykimit nga ana e autoriteteve italiane.

Denonco

Keni informacion në interes të publikut? Dërgojeni në Shqip duke klikuar këtu.

 

Biznes

Ndiqni të gjitha lajmet e fundit
në rrjetet tona shoqërore