Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Sport

“Dridhet” Pele, Lionel Messi vetëm 50 gola larg rekordit të legjendës

Lionel Messi vazhdon të shënojë me ritëm të çmendur dhe duket qartë që nuk ka rivalë në Spanjë por edhe në kampionatet e rëndësishme europiane për çmimin e Këpucës së Artë.

Në derbin me Espanyolin realizoi dygolësh, duke arritur shifrën e 593 finalizimeve në total me fanellën e Barcelonës, që do të thotë se është vetëm 50 gola larg rekordin të legjendës Pele, që ka shënuar 643 herë në një klub të vetëm, Santosin.

Nëntorin e kaluar Leao Messi theu rekordin e Gerd Mullerit (565 gola me Bayernin), duke u bërë futbollisti i dytë me më shumë gola të shënuar në një klub. Në humbjen me Betisin në "Camp Nou", argjentinasi arriti shifrën e 566 golave si "blaugrana". I kishte mbetur të thyente vetëm rekordin e Pelesë e tashmë është vetëm 50 finalizime larg këtij rekordi historik.

Për çdo futbollist të zakonshëm, kjo distancë mund të duket e madhe, por jo për 5 herë fituesin e Topit të Artë, që mund ta arrijë të madhin Pele sezonin e ardhshëm, duke patur parasysh që çdo sezon shënon mbi 40 gola.

Deri në fund të sezonit aktual Barcelona do të luajë 9 takime në La Liga, të paktën edhe dy sfida në Champions si dhe finalen e Kupës së Mbretit. Me mesataren që realizon Messi, pa u mbyllur sezoni i ardhshëm rekordi i golave të shënuar me një klub do të jetë i tij.

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore