Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Kryesoret

Arta Marku zgjidhet Kryeprokurore e Përkohshme mes tymueseve

E Hënë 18 Dhjetor 2017, 11:37 Gazeta Shqip

Mes kaosit dhe tymueseve në sallën e Kuvendit dhe me 69 vota pro, 2 kundër dhe 2 abstenim, Arta Marku është votuar Kryeprokurore e Përgjithëshme e Përkohëshme, duke zëvendësuar Adriatik Lllallën.

Arta Marku ka bërë në Kuvend betimin si Prokurore e Përgjithshme e Përkohshme.

Pas leximit të formulës së betimit nga kreu i Kuvendit Gramoz Ruçi, Marku u shpreh "Betohem!", mes tensionesh në sallë me deputetët e opozitës.

Megjithatë, më herët situata u tensionua brenda dhe jashtë sallës së Parlamentit. Protestuesit e opozitës tentuan të hyjnë në oborrin e Kuvendit, ku janë hedhur edhe tymuese me ngjyrë.

Protestuesit po shtyjnë kordonin e policisë, ndërkohë që deputetët e PD-LSI-së ndodhen jashtë ambienteve.

Pak minuta më vonë, deputetët e PD-së kanë hedhur tymuese drejt foltores dhe vendit ku janë kryeministri e ministrat.

Por pavarësisht kësaj kryeparlamentari Gramoz Ruçi, ka vijuar me votimin e rendit të ditës.

Kush është Arta Marku - Arta Marku 41-vjeçarje u diplomua në shkollën e magjistraturës në vitin 2001. Një vit më pas u emërua në Prokurorinë e Shkodrës ku mbajti detyra të ndryshme, që nga shefe e njësisë task forcë në 2006 e deri zëvendës drejtuese deri në 2016.

Zonja Marku e ka nisur karrierën e saj në kohën kur kryeprokuror në Shkodër ishte Ulsi Manja, ndërkohë që prej 16 vitesh dosjet e hetuara prej saj dhe të përfaqësuara në Gjykatë kanë qenë fare të pakta. Një ndër to është dosja ndaj pedagogut Fran Qafa, i cili më pas mori pafajësinë në Gjykatë.

Në fakt për numrin e pakët të dosjeve të hetuara, zonja Marku u pyet edhe nga anëtarët e Komisionit të Ligjeve, të cilëve iu përgjigj se ajo kishte firmosur mjaft dosje të hetuara prej kolegëve dhe të përcjella në Gjykatë.

18 dhjetor 2017 (gazeta-Shqip.com)

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore