Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Aktualiteti

Kajakërs nga Europa, protestë në Tiranë për lumin Vjosa: Jo ndërtimit të HEC-it

Vjosa_bei_Tepelena_2Në 18 maj, kajakërs nga e gjithë Evropa do të protestojnë së bashku me parlamentarët shqiptarë, anëtarë të parlamentit të BE, banorë të luginës së Vjosës si dhe ruajtësit shqiptarë dhe ndërkombëtarë të natyrës për mbrojtjen e Vjosës dhe kundër ndërtimit të digave në të. Në këtë event të quajtur “Eventi i flotilës” pjesëmarrësit - disa prej tyre me varka – do të grupohen rreth mesazhit për kryeministrin Edi Rama në brigjet e lumit të egër.

Në 20 Maj, Turi Ballkanik i Lumenjve do të përfundojë me dorëzimin e “peticionit në kajak” për kryeministrin Edi Rama në Tiranë. Gjatë gjithë turit, janë mbledhur firma kundër shkatërrimit të Vjosës dhe për shpalljen e Parkut Kombëtar të Vjosës. Të gjithë pedaluesit do të jenë prezent me kajakët e tyre në protestën e Tiranës.

“Vjosa është lumi i fundit i madh i egër në Evropë – në rrjedhën e tij prej rreth 270 km ai rrjedh i lirë dhe pa pengesa. Qeveria shqiptare sapo ka dhënë një koncesion për ndërtimin e një HEC-i të madh një kompanie turke – në kundërshtim me rekomandimet e BE dhe kërkesat e banorëve dhe organizatave mjedisore”, thuhet në njoftimin zyrtar të shoqatës që ka organizuar protestën.

17 maj 2016 (gazeta-Shqip.com)

Denonco

Keni informacion në interes të publikut? Dërgojeni në Shqip duke klikuar këtu.

 

Biznes

Ndiqni të gjitha lajmet e fundit
në rrjetet tona shoqërore