Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Kosova

'Për këtë krim të Serbisë dikush duhet të dënohet'/ Kurti premton drejtësi për familjen Jashari

'Për këtë krim të Serbisë dikush duhet të

Ushtruesja e detyrës së presidentit, Vjosa Osmani, e shoqëruar nga kryetari i Lëvizjes Vetëvendosje, Albin Kurti, bënë homazhe në kompleksin memorial “Adem Jashari” në ditën e dytë të përkujtimit të 23-vjetorit të Epopesë së Ushtrisë Çlirimtare të Kosovës. Nga Prekazi, ata thanë se sakrifica dhe trimëria e familjes Jashari do të shërbejnë si frymëzim për shumë breza.

“Jemi në Prekaz në një vend që bëri bashkë një komb të tërë rreth kauzës për çlirim, në vendin që është shndërruar në ikonë të lirisë dhe simbol të sakrificës më sublime të komandantit Adem Jashari, bacës Shaban, Hamëz Jasharit, grave, fëmijëve dhe gjithë familjes Jashari bashkë me bashkëluftëtarët e tjerë të komandantit legjendar. Një sakrificë sublime e cila rezultoi me lirinë e Kosovës, rezultoi me shtetin Kosovës. E kemi borxh jo vetëm ne që kemi shumë të freskët kujtesën e 5,6,78 marsit por e kemi borxh që kujtesën historike dhe mbi të gjitha ndjenjën e mirënjohës së thellë ta bartim brez pas brezit në mënyrë që edhe fëmijët tanë por edhe fëmijët e fëmijëve tanë ta kujtojnë se sa i lartë ishte çmimi që pagoi populli shqiptarë që sot ta kemi shtetin tonë dhe sot ta gëzojmë lirinë tonë”, tha Osmani.

Kurti tha se sakrifica e komandantit legjendar, Adem Jashari, dhe familjes së tij për liri është tregues që ata deshën vendin më shumë se vetveten. Ndërsa premtoi angazhim të institucioneve për të bërë drejtësi për sulmin e Serbisë ndaj tyre.

“Për këtë sulm shtetëror të Serbisë ndaj familjes legjendar Jasharaj askush nuk është gjykuar dhe nuk ka pasuras një gjykim për këtë krim shtetëror të Serbisë që dikush të dënohet. Drejtësia është vonuar sepse ajo as nuk ka filluar. Prandaj, ne duhet të angazhohemi si institucione dhe shtet që kjo të ndryshojë, për hir të Republikës së Kosovës dhe paraardhësve të Jasharëve, për hir të së ardhmes të popullit dhe kombit tonë në përgjithësi. Ne sot me nderim të përjetshëm përulemi para jetës, veprës dhe rënies së Jasharajve, kryekomandantit Adem Jashari të cilët e deshën pakrahasimisht më shumë vendin tonë se sa vetën e tyre”, tha Kurti.

Në Prekaz shkoi edhe kryeministri në detyrë, Avdullah Hoti, i shoqëruar nga disa prej ministrave të kabinetit të tij, për të bërë homazhe në kompleksin memorial “Adem Jashari”. Ai tha se sakrifica e familjes Jashari tejkalon çdo lloj veprimi që mund të bëjë dikush për lirinë dhe pavarësinë e vendit. 

Denonco

Keni informacion në interes të publikut? Dërgojeni në Shqip duke klikuar këtu.

Poll

Zgjedhje 2021

Ndiqni të gjitha lajmet e fundit
në rrjetet tona shoqërore