Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Kosova

“Mos i gjykoni nga pamja”, dy vajzat që nuk shikojnë dhe sfidojnë errësirën me talentin e tyre: Sfidoni vetën

E Mërkurë 7 Prill 2021, 15:02 Gazeta Shqip

“Mos i gjykoni nga pamja”, dy vajzat që nuk shikojnë dhe

Edhe pse natyra nuk u fali shikimin, u dha atyre dritën e zemrës. Ato me talentin e tyre, arritën që të sfidojnë edhe errësirën.

Është fjala për Yllka Berishën, 36 vjeçe nga qyteti i Prizrenit dhe Eliza Abdiaj, 16 vjeçe nga Gostivari. Që të dyja ishin sot në një lidhje të drejtpërdrejtë me emisionin “Shqipëria Live” për të rrëfyer momentet e vështira që kanë kaluar.

Sot, Yllkën e gjen në poezi, këngë, pikturë dhe studime për psikologji në prag diplomimi. Ajo ka lindur e verbër dhe shikon vetëm 2 për qind. Ajo nuk ka shërim pasi është vizituar edhe jashtë dhe nuk i kanë dhënë shpresa.

Për emisionin “Shqipëria Live” ajo tha se që nga fëmijëria është përballë me shumë e shumë sfida.

“Mos i gjykoni nga pamja”, dy vajzat që nuk shikojnë dhe

“Në moshën 6-vjeçare kam filluar të kuptoj se nuk shikoj. Kur luaja me shokët, kuptoja se fëmijët e tjerë vraponin lirshëm dhe unë nuk e bëja dot. Kur shkoj e pyes mamin, ajo më thotë se ti nuk shikon, do të përballemi me të.  Si fëmijë nuk kam ditur shumë. Unë vështirësitë i kam ndjerë gjithmonë. Por në moshën para adoleshencës aty e kuptova se ishte e vështirë , pasi vajzat dilnin vetë, mua më duhej të kisha dikë me vete”, rrëfeu Berisha, e cila dha edhe një mesazh për të gjithë personat që kanë të njëjtin problem si ajo, që të sfidojnë veten.

Ndërsa Eliza Abdiaj është një gjimnaziste, e cila ka lindur e verbër dhe shikon vetëm 3%. Por ajo ka intuitë për çdo gjë pa ndihmë programesh. Prej 5-vitesh ndjek kursin e aktrimit dhe ka mësuar vetëm pianon.

“Mos i gjykoni nga pamja”, dy vajzat që nuk shikojnë dhe

“Unë deri para dy vitesh kam ndjekur kursin e aktrimit, por nga pandemia u ndal. Më ka pëlqyer aktrimi dhe piano. Pianon e kam mësuar nga interneti, nga Youtube. Nuk më kujtohet të kem patur ndonjë moment që kam thënë nuk ia dal.

Në klasën e gjashtë nisa ti kuptoj më shumë gjërat. Dhe kur nuk lexoja dot më vinte keq, duhej të mi lexonte dikush tjetër”, tregoi Eliza e cila ka rezultate të larta në shkollë.

Gjithashtu ehe Eliza dha një mesazh shumë të bukur. Ajo iu drejtua personave që kanë pranë njerëz me aftësi ndryshe. Ajo u bëri thirrje atyre që të mis i gjykojnë nga pamja, por të mundohen që të shoqërohen me to e që t’i kuptojnë”.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Zgjedhje 2021

Ndiqni të gjitha lajmet e fundit
në rrjetet tona shoqërore