Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Kosova

“Ligji u vra në 1999”/ Vulin: Edhe nëse e gjithë bota e njeh Kosovën, ne nuk do ta njohim

E Shtunë 18 Qershor 2022, 15:38 Gazeta Shqip

“Ligji u vra në 1999”/ Vulin: Edhe nëse e gjithë bota

Ministri i Brendshëm serb, Aleksandër Vulin, ka komentuar deklaratat e referuar e djeshme të presidentit rus Vladimir Putin, në lidhje me pavarësinë e Kosovës dhe ngjashmërinë me rajonet Dondas dhe Luhansk të Ukrainës.

Vulin ka deklaruar se Rusia nuk po e ndryshon qëndrimin e saj dhe nuk do ta njohë të ashtuquajturën Kosovë.

“Madje edhe nëse e njeh e gjithë bota, Serbia nuk do ta njohë dhe kjo është më e rëndësishme se gjithçka”, tha Vulin.

Duke komentuar pretendimet e presidentit rus Vladimir Putin se me Kosovën është krijuar një precedent dhe se Rusia ka të drejtë të njohë republikat në Donbas sipas Kartës së OKB-së, Vulin vlerësoi se duke njohur të ashtuquajturën Kosovë si shtet, Perëndimi përdori të drejtën e më të fortëve.

“Ajo ka dy skaje. Në Serbi, ligji ndërkombëtar u ‘vra’ në agresionin e NATO-s në 1999 dhe asgjë nuk do ta ringjallë atë në Ukrainë. Rusia i referohet shembullit të Perëndimit, dhe ata që e dhanë atë shembull, vështirë se kanë një argument moral për ta dënuar atë për atë që ata vetë e vendosën si parim”, tha ministri.

Vulin vlerësoi se vendet që kanë njohur “të ashtuquajturën” Kosovë mund të kenë një argument moral për të dënuar Rusinë nëse e kuptojnë gabimin dhe tërhiqnin njohjet.

“Në vend të kësaj, ata po kërkojnë që Serbia të njohë të ashtuquajturën Kosovë, që Serbia të shlyejë mëkatin e tyre me njohjen e saj”, shtoi ministri.

Grupi privat në Facebook

Bëhu pjesë e grupit privat në Facebook për lajme ekskluzive.

Bëhu pjesë

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore