Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Kosova

“Ka plagë në kokë”- Sulmohet djali i politikanit serb në Kosovë

“Ka plagë në kokë”- Sulmohet djali i politikanit serb

Tetë persona janë ndaluar në Kosovë, në fshatin Llapnasellë afër Prishtinës, pas një sulmi ndaj djalit të politikanit lokal serb, Nenad Rashiç

Nuk dihen ende motivet e këtij sulmi, ndërsa Rashiç tha se i biri është sulmuar dhe rrahur nga një grup prej dhjetëra personash dhe se ka plagë në kokë.

Sipas tij, sulmi ka të bëjë me veprimtarinë e tij politike.

Pas sulmit ka reaguar Presidentja në detyrë, Vjosa Osmani, duke e cilësuar atë si “akt kundër demokracisë dhe lirisë së individit”.

Ajo u bëri thirrje forcave të rendit që të vënë  para drejtësisë autorët e sulmit.

Kryetari i lëvizjes Vetëvendosje, Albin Kurti, tha se sulmi erdhi pasi Rashiç “s’u nënshtrua ndaj trysnisë e kërcënimeve të Serbisë”

 “Duket se ky krim banditesk ndaj Nikolla Rashiçit është i organizuar dhe ka të bëjë me prindin e tij që nuk u thye e as s’u nënshtrua ndaj trysnisë e kërcënimeve të Serbisë. Me gjasë, meqë nuk e frikësuan dot Nenad Rashiçin, ia rrahën të birin Nikollën. Në qeverinë tonë të re do të punojmë që të gjithë qytetarët e Kosovës pa dallim përkatësie kombëtare të jetojnë të sigurt”, tha Kurti.

Denonco

Keni informacion në interes të publikut? Dërgojeni në Shqip duke klikuar këtu.

Poll

Zgjedhje 2021

Ndiqni të gjitha lajmet e fundit
në rrjetet tona shoqërore