FOTOLAJM/ Aksident tragjik në Kosovë, makina ndahet në dy pjesë, 1 i vdekur dhe 5 të lënduar

Një aksident i rëndë trafiku mes dy automjetesh ka ndodhur në rrugën Arllat Malishevë, në Kosovë, ku si pasojë ka vdekur një person dhe kanë mbetur të lënduar pesë të tjerë.

Aksidentin për Gazetën Express e ka konfirmuar zëdhënësja e Policisë së Kosovës për Rajonin e Prishtinës, Florie Ahmeti.

“Rreth orës 07:00 kemi pranuar informatën se në rrugën Arllat – Malishevë, ka ndodhur një aksident trafiku me pasoja fatale. Në këtë aksident kanë qenë të përfshira, dy automjete, të cilat kanë qenë në lëvizje. Si pasojë e aksidentit lëndime trupore kanë pësuar gjashtë  persona, një prej tyre nuk kanë arritë të përballojnë plagët dhe i njëjti ka ndërruar jetë . Vdekjen e tij e ka konstatuar ekipi mjekësor në vendngjarje, ndërkohë që personat e lënduar janë dërguar për trajtim mjekësor. Me rastin po merret hetuesia nga njësiti i trafikut rrugor”, ka deklaruar Ahmeti.

Ndërkohë, mediat e Kosovës kanë publikuar pamje nga vendi i ngjarjes.