Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Kosova

Dy ditë pas marrëveshjes me Serbinë/ Çfarë po ndodh në veri të Kosovës? Regjistrohet një shpërthim i madh në…

Dy ditë pas marrëveshjes me Serbinë/ Çfarë po ndodh

Dy ditë pas arritjes së marrëveshjes për energjinë elektrike në veri të vendit, është sulmuar me mjet shpërthyes objekti i kompanisë serbe “Elektro – Kosmet” në Mitrovicë të Veriut.

Policia e Kosovës u njoftua se trafoja elektrike që ishte në afërsi të elektro–distribucionit mori flakë mbrëmjen e së enjtes.

Dyshimet e para të Policisë së Kosovës ishin se zjarri u nis nga tensioni elektrik, megjithatë pas këqyrjes së vendit të ngjarjes u konstatua se objekti u sulmua me mjet shpërthyes.

Dy ditë pas marrëveshjes me Serbinë/ Çfarë po ndodh

Sipas policisë nuk bëhet fjalë për të lënduar, por vetëm dëme materiale. Autoritetet ende nuk kanë asnjë të dyshuar për incidentin. Megjithatë, Ministri i Punëve të Brendshme, Xhelal Sveçla ka fajësuar strukturat paralele në Veri për sulmin.

Ndërkaq, të premten, Zyra e Rregullatorit të Energjisë në Kosovë, pas dy vjetësh, ka licencuar kompaninë “ElektroSever” për operim në këtë pjesë. ZRrE e lëshoi licencën për “ElektroSever” për periudhën pesë vjeçare, duke shtuar se nuk do të rregullojë çmimet me të cilat do të operojë kompania në katër komunat veriore.

Me udhërrëfyesin e nënshkruar në Bruksel, “ElektroSever” brenda shtatë ditëve prej licencimit, duhet t’i ofrojë të dhëna për konsumatorët. Pas 10 ditëve do nënshkruaj kontratë bashkëpunimi me KEDS dhe KOSTT në mënyrë që të operojë sipas ligjeve në Kosovë dhe brenda 30 ditësh që nga nënshkrimi i marrëveshjes me kompanitë kosovare, “ElektroSever”-it, do t’i jepet nën kontroll nënstacioni i Vallaçit në mënyrë që të fillojë punën.

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore