Lidhje te rendesishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Kosova&Bota

Negociatat/ Partitë politike nisin bisedimet për qeverinë e re, shqiptarët faktor kyç në Maqedoninë e Veriut

Negociatat/ Partitë politike nisin bisedimet për qeverinë e re,

Kontaktet mes partive politike për formimin e Qeverisë vazhdojnë, edhepse paralajmëruan se bisedimet do të nisin pas 2 gushtit. Alsat mëson se këtyre ditëve ka pasur kontakte mes të gjitha partive.

LSDM-ja e Zoran Zaevit është e bindur se shumë shpejtë do të formojë Qeverinë e re e cila do të fokusohet siç thonë realizimin e pritjeve të qytetarëve. Nga ky subjekt mbeten në qëndrimin se bisedimet do të nisin pas 2 gushtit, ndërsa nëpërmjet një komunikate thonë se negociatat për anëtarësim në BE nuk mund t’ia lënë në duar tjetër kujt.

“Vendimet për deputetët e rinj u dhanë, pason formimi i Qeverisë, e cila do të japë rezultate në përputhje me vullnetin e qytetarëve. Qeveria jonë do të zhvillojë negociata të suksesshme me BE dhe në katër vjet do të hapim 80% të kapitujve"

Edhe në VMRO-DPMNE thonë se po zhvillojnë bisedime jo formale me të gjitha partitë politike, të cilat kanë fituar mandate.

Nga Koalicioni Aleanca për Shqiptarët dhe Alternativa thonë se synojnë të jenë pjesë përbërëse e qeverisë së re. Thonë se fuqia e tyre me 12 mandate do të jetë vendimtare për formimin e Qeverisë. Shefik Duraku thotë se të gjithë partitë i kanë dyert e hapura për bisedime, por një partneritet eventual me BDI e shohin vështirë të realizueshëm.

“Koalicioni ‘Tash është koha’ sigurisht se ka parasysh edhe rezultatin e ngushtë si në bllokun maqedonas ashtu edhe në bllokun shqiptar, kështu që të gjithë opsionet mbeten të hapura. Kjo do të thotë se nuk duam të përjashtojmë askënd, kontaktet me të gjitha partitë politike kanë qenë dhe vazhdojnë normale”- dekalaroi Shefik Duraku, Koalicioni ASH-AAA.

Nga BDI mbeten në qëndrimin se në zhvillimin e bisedimeve për partneritet në qeverinë e re prioritet do të kenë respektimin e tri marrëveshjeve, të Ohrit, Prespës dhe me Bullgarinë, duke e lënë nën hije premtimin parazgjedhorë për një kryeministër shqiptar. /Alsat-M

 

Denonco

Keni informacion në interes të publikut? Dërgojeni në Shqip duke klikuar këtu.

Poll

Biznes

Ndiqni të gjitha lajmet e fundit
në rrjetet tona shoqërore