Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Investigim

Operatorët kabllorë/ Si lindi vjedhja dhe fenomeni i piraterisë

Operatorët kabllorë/ Si lindi vjedhja dhe fenomeni  i piraterisë

Demokracitë moderne kanë në thelb të ekzistencës të drejtat e njeriut. Në këtë frymë, bota perëndimore njeh dhe mbron fort me ligj të drejtën e çdo njeriu që njihet si krijues i një vepre letrare, artistike, televizive etj. Kjo, njihet si e drejta e autorit.

Kushdo që cënon të drejtat e krijuesit duke shpërndarë materialet në mënyrë të paatorizuar dënohet deri në 3 vite burg sipas Kodit Penal Shqiptar.

Por, ashpërsimi i sanksioneve ligjore nuk ka arritur të frenojë një aktivitet masiv vjedhjeje të transmetimeve televizive nga subjekte pirate.


Vjedhja e transmetimeve televiziv nepermjet kabllorëve si fenomen, ka lindur me çeljen e tregut “pay tv”. Pra, të paguash nëse do të kesh akses në kanale apo evente të ndryshme televizive.

Vitet e fundit transmetimet televizive kanë njohur një transformim rrënjësor. Nga televizionet lokale analoge të dikurshme, me cilësi mjaft të dobët, subjekte të cakuara, bënë një buqetë kanalesh dhe nëpërmjet sistemit kabllor e transmetonin atë drejt abonentëve kundrejt pagesës.

Kështu lindi fenomeni i operatorëve kabllorë e bashkë me të, edhe fenomeni i piraterisë, ose thënë më thjesht, vjedhjes së sinjalit dhe prodhimeve nga kompanitë legale.


Autoriteti i Mediave Audiovizive ka licensuar mbi 80 operatorë kabllorë në të gjithë vendin. Por, vetëm një përqindje e vogël e ushtrojnë aktivitetin konform rregullave. Nga inspektimet e kryera, të paktën 65 operatorë janë gjetur në mënyrë permanente me shkelje të rënda.

Operatorët kabllorë që janë të licencuar nga AMA duhet të kenë një kontratë me platformat e ndryshme sic është digitalb, Tring apo Radiotelevizioni Shqiptar. Por, në pjesën më të madhe preferojnë ti kapërcejnë kufinjtë e kontratave dhe piratojnë duke transmetuar kanale dhe evente për të cilat nuk janë të autorizuar ti transmetojnë.

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore