Quantcast
Lidhje të rëndësishme Rrjetet tona shoqërore Shqip merr pjesë në programe të ndryshme marketingu ku mund të përfitojë komisione për produktet e zgjedhura në artikujt e publikuar.

Investigim

Masakër mjedisore në Krastë të Elbasanit! Shërbimi Pyjor: Po na ikin autorët, ka shumë rrugë

Masakër mjedisore në Krastë të Elbasanit! Shërbimi

Pylli i Krastës në Elbasan i njohur edhe si “Parku Periferik” i këtij qyteti po degradohet çdo ditë nga prerjet e paligjshme.

Emisioni Fiks Fare e ka denoncuar këtë fakt edhe para 3 muajsh, por prerjet vazhduan po njësoj edhe pse institucionet shtetërore u zotuan se do i ndalonin ato.

Mbrëmjen e sotme Fiksi solli sipërfaqe të mëdha pylli ku dukeshin vetëm trungjet e prera edhe pse për gazetarët para 3 muajsh u tha se prerjet do ndalojnë dhe se do kryheshin inspektime të menjëhershme.

Por në realitet nuk ka ndodhur kështu. Sot pas 3 muajsh nga denoncimi i Fiksit prerjet vazhdojnë.

Emisioni Fiks Fare ka siguruar pamje të prerjeve të reja që janë bërë pa kriter ,duke lënë sipërfaqe të shkretuara pa pisha. Gazetarët komunikojnë me Drejtorin e Shërbimit Pyjor, Shpëtim Cullhai i cili pranon se prerjet vazhduan edhe pse ky krim mjedisor u denoncua nga Fiksi para 3 muajsh. Drejtori fajëson për këtë terrenin e vështirë që të çon në pyll, gjë e cila ka favorizuar autorin.

Njëkohësisht duke pranuar edhe dëmin kolosal që është bërë në pyll nga prerjet e pishave ai thotë se pas shumë inspektimeve në terren autorët u kapën .

Ata janë babë e bir, djali ishte vetëm 17 vjeç.  Gazetarët e Fiksit e pyesin drejtorin se pas këtij dëmi të shkaktuar a mund të bëhet ripyllëzim?

Drejtori thotë se për këtë u hap një tender për 20.000 rrënjë por u anulua, pasi subjektet që morën pjesë nuk plotësonin dokumentacionin e duhur. Tashmë nuk është sezoni i duhur për ripyllëzim ndaj dhe pritet në muajin shtator të hapet sërish tender.

Denonco

Keni informacion në interes të publikut? Dërgojeni në Shqip duke klikuar këtu.

Poll

Aktualitet

Ndiqni të gjitha lajmet e fundit
në rrjetet tona shoqërore